Familien Holmøy Berg's Blog

HeI!!!

Endelig blir det ein ny blog frå familien HBerg. Av forskjellige grunnar har det vore lenge sidan sist. Blant anna har eg (Kristin) fullført doktorgraden. Disputas var 5 desember 2008. Ein blog frå disputas med fest kjem seinare.

Sidan sist har vi fått oss hund, ein soft coated wheaten terrier, som heiter Baltazar. Han er født 2. Juni 2008, og er ganske snart 1 år. Han er ein vilter og koseleg hund. Delar av påska var vi på hytta som vi leiger i Gisnadalen (Rennebu).



I påska var det varierande vær. Martin og eg hadde ein fantastisk dag på slalom i Oppdal. Ellers var vi og såg på hestane på ein gard like i nærheten av hytta.



Her kjem nokre bilder frå 17. mai. Vi hadde ein tradisjonell dag med barnetog, kake, brus, is, ispedd ein del leikar.









Til slutt må eg nemne at vi i fjor haust fekk ny au pair. Ho heiter Senobia og kjem frå Peru. Ho har glidd fint inn i familien. På bildet under er ho til venstre :-)



Det er lenge sidan sist blog, men no skal det bli litt oftare framover....

Ha det bra så lenge

Hei igjen!

No er sommaren over og Martin hadde sin første skuledag mandag den 20. august. Han begynte i klasse 1B på Sørborgen skule i lag med 18 andre guttar og 9 jenter, eg vil tru at kontaktlæraren vil få litt å bryne seg på. På bildet under er Martin på vei til sin første skuledag. Martin ser ut til å finne seg godt til rette på både SFO og skulen. Det er mange nye å bli kjent med, og han har funne fleire nye kameratar.



Jenny begynte på Knærten friluftsbarnehage den 8. august, og det ser ut som om ho trivst godt. Oppstarten verkar lovande, og i følge dei ansatte på maurtua (avdelinga til Jenny) er ho ei skikkeleg kosejente og nesten alltid blid.

Den 31. juli vart Jenny 1 år. Hurra!! Den 2. august arrangerte vi ein felles 1 årsfeiring i lag med Daniel som vart 1 år den 4. august. Daniel og familien vart vi kjent med gjennom barselgruppa. Det var kjempeartig med felles feiring, fleire smårollingar frå barselgruppa var med, totalt var vi 16 stk. til bords. Det var stor stemning :-)




Jenny fekk mange fine gaver, blant anna fine kjolar. Tusen takk. Det er stas med ei lita jente i familien, sjekk kor fin eg er i dei nye kjolane mine :-) Jenny har i det siste blitt flink til å reise seg, og er blitt ein racer til å klatre trapper. Ho er dessuten veldig hjelpsom, og ryddar stadig i gryte lokka og cdane våre.



Høgdepunktet i sommar var nok då tante Jorun og Nellie kom på besøk, og vi tok oss ein tur på Pirbadet. Martin vart med til Utvik, og var der ei vekes tid åleine. Det var stor stas å få vere på ferie uten mamma og pappa. Det var tydeleg at han trivdes veldig godt i lag med Nellie og resten av familien. Tante Jorun og Martin fant tonen i all fall..

Det var artig å få helst på familien (ingen nemnt ingen gløymt) og vi kosa oss nokre dagar i Utvik og Innvik då vi var nedover og henta Martin heim igjen. Eg legg ved nokre bilder, det ligg fleire bilder under bildegalleriet for dei som vil sjå fleire bilder. Vi kan ikkje ta med alle her..




Ha det bra så lenge.

Hei igjen!

Tida flyg altfor fort, og no er det på tide med eit lite livsteikn frå oss igjen. I jula kosa vi oss, og det var godt å slappe av etter ein litt hektisk haust. Martin var veldig høgt oppe, og i år fekk han opne alle gavene til Jenny òg. Det var kjempeartig... I romjula var vi ein tur og besøkte Gunnar og Brit på Fannrem. Etter ein nydeleg laksemiddag, var det kaffe/te og kaker. Terje og Hilde kom ein tur innom med Thea og Nora. Tvillingane var blitt store sidan sist vi såg dei.









Nyttårshelga fekk vi besøk av bestemor og bestefar, det var sjølvsagt stor stas, og leikebilen "lynet" som dei hadde med seg som julegave var midt i blinken. Martin er veldig glad i denne bilen.



3. Januar feira Martin 6 år. Han hadde ein fin bursdagsfest med kompisar frå både "Tiurtunet" og "Sletten" barnehage. Det gjekk kjempefint, og alle leika seg veldig fint.



I januar har vi hatt ein del besøk. Marcus Andrè med familie var på besøk første helga i januar. Marcus Andrè og Martin gjekk fint i lag, og vi voksne kosa oss òg.



Siste helga i januar hadde eg besøk av 4 av mine barndomsvenninner frå Sande. I løpet av ei kort helg klarte vi å presse inn Trondheimstur med kafebesøk, og ein god middag på restaurant. Og ellers gjekk praten laust, vi kosar oss skikkeleg når vi ein sjelden gang treffast.



Sidan sist har vi invistert i slalom utstyr, og helga 15.-18. februar tok vi oss ein vinterferie. Vi leigde hytte på Teveltunet, og tok oss turar til alpinanlegga på Meråker og Storlien. På Meråker alpinanlegg var det veldig bra forhold for dei minste, og ypperleg for Martin å prøve ut dei nye slalom skia. Det var ikkje heilt enkelt å lære frå seg "gamle" kunster i slalom bakken, men etter litt prøving og feiling, var det ein "reddande engel" som tilbydde seg å ta nokre turar i lag med Martin. Det gjekk kjempefint, og Martin synst i all fall det var artig. På Storlien synst vi bakken var litt vel bratt, og Martin var nok ikkje heilt klar for den bakken. Så siste dagen drog vi til Meråker igjen. Vinterbilder får kome i neste blog.

Hei! Tida flyg så altfor fort, Jenny har alt blitt 6 veker. Ho har begynt å gi tydeleg tilbakemelding med nydelege smil og litt pludring når ho får oppmerksomhet. Ho er god til å ete, og mykje av dagen må ho mor amme, og det gir resultat... Jenny er passert 5 kg (skal veie ho på 6-vekers kontroll i morgon), og har gått opp i str. 56/62 no. Jenny liker å bade...

Vi har fått veldig mykje fine klede til Jenny, og nydelege blomster i forbindelse med fødselen. Det set vi stor pris på, tusen takk til alle. Takkekort er snart på vei.



Sidan vi enno ikkje har flytta, fekk Martin "lov" å starte opp igjen i Tiurtunet barnehage. Det er kjekt for han å få leike og "rase i frå seg" i lag med kompisane der. Det vart lange dagar heime i lag med mamma og Jenny. I oktober skal Martin endeleg starte i Sletten barnehage i Klæbu. Det blir spennande. På bildet nedanfor er Martin i lag med ungar i Tiurtunet barnehage på høstfesten for ei stund tilbake.



På søndag for ei veke sidan vart det årlege båtræset i Trondheim arrangert. Heimesnekra båtar (laga av ungar) vart satt ut like ved Nidarøhallen og første båt til Marinen vann. I år laga Martin båten sin heilt åleine, og den vart kjempefin. Det var regn heile dagen, og alt vart vått.. Jenny sov seg gjennom heile båtræset.



Ørjan har i haust blitt student, han har starta på Høgskulen i Sør-Trøndelag, på studieretning Bygg. Studiane tar mesteparten av tida på kvardagane, og evt. "fritid" blir brukt på oppussing. Det begynner å nærme seg slutten av oppussinga. Men som kjent tar alt litt lenger tid enn ein trur. Planane er å flytte til Klæbu i mnd's skiftet september / oktober, evt i starten av oktober. Vi har fått solgt rekkehuset, og nye eigarar skal overta den 1. november.

Eg har lenge tenkt eg skulle legge inn ein kommentar til denne bloggen, og omsider har eg tatt meg tid til å sette meg ned. Første blogg frå meg må bli om vårt bryllaup den 29. oktober 2005. Vi har holdt i lag i mange år, ja, vi har vore kjærestar sidan 1. april 1990. Så vi pleier å seie at vårt forhold er ein lang aprilspøk. Vi hadde vore forlova sidan hausten 1991, då Ørjan endeleg fridde...

Vi gifta oss på tinghuset i Trondheim, med gode vennar som vitner, Siv Elin og Vidar. Etter vigselen var vi alle på Palmehaven og åt lunsj og drakk champagne. Deretter for Martin, Ørjan og eg på hotell og slappa av før vi åt middag på restaurant Prins Olav Grill (Royal Garden). Nydeleg mat og fantastisk stemning. Ein flott dag, og Martin var med heile dagen, til og med på "drink" i baren før vi overnatta på hotell. Martin synst det artigste var frokosten med Corn Flakes og mykje god mat.

Ingen i familien visste om at vi gifta oss den dagen, og det var artig å ta ringerunden på søndagen og fortelle at no var vi gift. Alle gledar seg med oss, og vi har fått mykje positive tilbakemeldingar i ettertid og mange fine presangar.

Nedanfor kjem det nokre bilder som viser kor flott bryllaup vi hadde. Vi er fortsatt svært forelska, og snart kjem lillesøster, kanskje ho kjem på dagen 9 mnd. etter bryllaupsdagen?