Kristianus Journalus

Ég fór á pósthúsið í dag til að senda pakkana og kortin. Voru flest kortin reyndar í kassanum, en þannig svo um búið að ég gæti auðveldlega tekið þau úr kassanum og sett þau í venjulegan póst. Svo var ég spurður hvort ég vildi borga 4500 kr (2-3 vikur) eða 2500 kr (4-5 vikur) og að einhverjum ástæðum þá hugsaði ég með mér "Vá, sem betur fer eru 5 vikur til jóla. Þannig að nú er gott að spara smá pening." Síðan borgaði ég og labbaði út í bíl. Þegar ég var að starta bílnum þá skaust eftir tvær hugsanir upp í kollinum á mér: "Nei bíddu... það eru fjórar vikur til jóla... Hérna, eru ekki öll ættingjakortin ennþá í kassanum?" Blótandi setti ég bílinn í gír og keyrði heim. Þegar ég sagði J frá þá leit hún á mig og spurði mig hvort að hún hafi ekki varað mig við því að fara á pósthúsið eldsnemma að morgni þegar ég væri nývaknaður, þannig að ég ullaði bara á hana og tók Rorý með mér í göngutúr