Sunday, September 25, 2011 5:20:40 PM
just a stop over at beautiful city of Singapore
Friday, March 18, 2011 6:47:22 AM
MGA MADUSONG PANAMBITAN
Harani na an Febrero, okasyon mamundo
An saiyang esposo nagbabaklay na sa harayo
Pirang taon na baya lumihis poon na ma’ego
Mga panambitan luminantop saiyang puso
Buhay ko wara mutang ko bako sana ika
An maging sakuya esposo, ako an esposa
Ika an bituon sa banggi, burak pagka aga
Gayon kasin hamot alemyo kan gumamela
Pan’o ako mamoot, ako saimong kinulogan?
Sakuyang pangaturogan ika igwa kaibahan
Habo ko man sana ika, ta makulog sa daghan
Kon igwa man sana kasaro na pag eemonan
Dae kita pipirit sa ngunian ika mamoot sako
Aram ko ika igwa pa mga duda saimong puso
Alagad pag umabot an tuig ika an mamundo
Ngaran ko dae pag apoda, yaon ako sa harayo
Ngaran kan pagkamoot, bako ko pa masabot
Inosenteng marhay igwa pang gatas sa ngimot
Kiblit kang saimong muro, hapros kan kamot
Pagmate garo kuryente, mabuyo mangurowot
Kan saimong pandok na magayon mina’anan
Huna ko mga kabayo dumilagan sako dughan
Korotob-kutob kaine na puso dae mapugolan
Matabil kong dila mayo man sana maitaram
Malsok napapiyong, napatangad kan manamitan
Enot na hadok kan saiyang lalakeng namoot’an
Pagtalibong kang kinab’na kon pwede pugolan
Siram, giyok namatean garo wara kasagkudan
An saldang rumiraw, uminirarom na sa sulnupan
Ineng si lola nakatan’aw an paghibi pinopugolan
Buhay nasa huring kabtan na, harani sa kagadanan
Madusong panambitan saiyang sana nagiromduman……
© BRD*2011
Friday, March 11, 2011 4:57:19 AM
GAPÔ NAN BAYBAY
Sa salog kinakamhag, tinitipon, kinakaykay
Sa tawong tios, dae trabaho ine sarong bagay
Pinagigikanan kan saindang mga hanap-buhay
Primerong kaipuhan sa pagtindog kan balay
Magagayon na balay, mga tinampo nan mga tulay
Mga eskwelahan, parke, anuman konretong bagay
Sa paghiling niato marhay asin tunay na matibay
Gabos baga ine tinindog gamit an gapo nan baybay
Minsan ineng gapo nan baybay nagpasaway
Duman sa abaga kan bulkan Mayon sa Albay
Umiran ki makusog, langit nadagit umig’rangay
Mga tawo natahuban, nalubong sindang buhay
An gapo nan baybay importante talagang marhay
Dakulang pordonde sa kapalibutan niatong tunay
Alagad kon abusuhon niato, dae magluway-luway
Maabot an tiempo ine gigikanan kan dusa’t lumbay
Kon ginapo ka daa kan gapo, gapuon mo tinapay
Kasabihan sa dila nagpasa-pasa sa tawo padanay
Alagad kasabihan naghahaloy nawaraan ki saysay
Ginapo ka gapo, igagapo saimo matagas na tinapay
Niata daw igwang tawo sa halangkaw estado kan buhay?
Igwa sulat an talinga, dae madangog kapwa’t inag’rangay
Pinaghalean nalingawan, mga naglastima kan siya pa saday
An puno dae minatalubo kon nakatanom lang sa baybay
Semento an panhalo tanganing tumagas an gapo’t baybay
Kon ika sana hagason, daeng datang ugali, makasal’an danay
Bugok kon apudon, maluya, marugi, arog kan mabatang bonay
Gapo nakakaludog, makulog makapuling alpog kan baybay
Higos-higos daa pero tios, an panira pirme sanang gulay
Hugak-hugak ka man tigbak, linanot na pirme malabsay
Karne man kon hayblood, gulay sana basta pirme marhay
Arog talaga kaine sa kinab’an mapawot anuman sa buhay.....
© BRD*2011
Thursday, March 10, 2011 3:57:15 AM
AN PROBINSIYANG SORSOGONSa Sirangan dagat Pacifico, sa sulnupan dagat kan Tsino
Ineng probinsiya kan Sorsogon lugar kan mga bikolano
Probinsiyang sakuyang namomotan, padabang gayo
Hamos kamo sa rawit-dawit ko ipasyar ta kamo intero....
Probinsya kan Sorsogon igwang duwang distrito
Siempre an unang distrito, sunod kaan an pan segundo
Igwang dece sies na manucipyo o mga bongto
Lugar kan maboboot dangan mga magagayon na tawo
Kon hale ka sa Albay, an bongto kan Pilar unang maagihan
Sa Donsol pamoso an butanding saindang pinapasyaran
Sa Bacon enerhiya kan geothermal plant pinakikinabangan
Init na hale sa irarom kan kinaban nasa laog kan Bulkan Bulusan
Bulkan Bulusan aktibo, sarong alamat sakong narumduman
Yaon daa duman sarong amayongkod eyo saiyang estaran
Kapag an bulkan tuminuga, amayongkod nangisod nagparamdam
Panhadok sa mga nagpapastedyong aki kan saindang magurang
Prito Diaz saro man na banwaan sa sirangan saimong matutuparan
An Magallanes bongto kasin edad pa ni Lapu-lapu nan Magellan
An Castilla sa sakuyang pagkaaram sa kastila man an ginikanan
Yaon an Gubat sa produktong uway, muwebles sinda mayaman
An Matnog an nasa durho igwang daungan kan barko
Kon ika mabiyahe pakadto sa luyo, masakay ka sa RoRo
An Bulan sa isda mayaman saro sa pinakadakulang bongto
Sta Magdalena sa kopra an pamoso nindang produkto....
Dae pagligawan an Irosin, bongto kan mga umahan
An kaban kan probinsiya bogas kan paroy pinaghalean
Sa mga tan'awon ineng bongto talagang mayaman
Sa bongto na ine ako namundag, pinadakula kan magurang
Lawa kan Bulusan preskong tubi, saro na pamosong pasyaran
Kasag nan tahong na masiram nasa bongto yan kan Casiguran
Sa enotan bongto kan Juban saimong maagihan sa dalan
Mga antigong harong estilong kastila nakatindog sagkod ngunian
Yan an probinsiya kan Kasangayahan
Sorsogon probinsiyang sakong ginikanan
Sa turismo, pagkakan, kultura mayaman
Hamos kamo ako upudan, satong pasyaran......
© BRD*2011
Thursday, March 10, 2011 1:15:30 AM
TABI ! TABI ! TABI !
Pagpasin-tabi bulahos na sa satuyang ugali
Sa nagsusugo, arog kan paki’kua man tabi
Simpleng taramon pero mahalagang ugali
Ugaling padanayon dapat maituro sa mga aki
Banggi na madiklom kon sinda may ihahapon
An pagtaram ki tabi pirme ng ninda hihilwason
Tanganing daa mga tawo sa likod maparumdom
Para dae tamaan kan bagay na saindang ihahapon
Pero nata kaya igwang mga tawo na malingawon?
An simpleng taramon “tabi” dae ninda marumdom
Kon minasugo, mina’agi huna siisay na hambugon
Daeng marhay na ugali, dae dapat ine padaguson
Pwera usog tabi, dangan tulos ine saiya tataramon
Para sa sarong tawo namuya na igwang intensyon
Tanganing daa aki makalikay dae siya ma'lason
Nonot, sibang na sa tulak makulog ika papahibion
Kon an nonot na makulog igwang remedyo-bulong
An pahapros kan liwoy sa saindang tulak-pus’on
Igwang man bulong sa dae nakataram tabi lingawon
Tukduan kan tama, saiya ipasabot, nan otro-otrohon
Tabi-tabi! sa usipon ine an tamaan bako madagit
Saro man sana ineng pagirumdom na rawit-dawit
Katuyuhan maaraman, maitukdo ugaling tama ipirit
Habang amay maukudan, maitanos an dila na piripit
© BRD*2011
Thursday, March 10, 2011 1:10:00 AM
ABO
Angog krinusan kan abong benindisyunan
Mga tawong deboto nakipila pa sa simbahan
Sinisimbolo kaine kita gabos alpog an ginikanan
Siring man sa alpog an satuyang kasagkudan
Miyerkules kan abo pigseselebra sa ngunian
An panahon kan kwaresma nagdada’ngadang
Satuyang gibo, mga salang ugaling kagibuhan
Bokasyon inutuban satuyang paghurop-huropan
Bag’o man umabot panahon semana santa
Deboto nagpreparar saindang mga panata
Sa pag’abot kan panahon kan kwaresma
Sana malinig satong puso sa pagpapanata
Mga tugang dagdag lang sato mga kaaraman
Abo’ng tema ta ngunian igwang pakinabang
Ginigibo ining mga gamit asin kasangkapan
Kan mga tawong pagnegosyo an kabuhayan
Plato hinurma o basong dinesenyo asin kinoloran
Maging mga pigurin abo kan Pinatubo an hinalian
Abong paghil’ngon mayo gamit dangan pakinabang
Ideya asin mahigos na kamot nagka’igwang mutang
Mga bagay na nasusulo, abo man kahuhugpaan
Bulkan Mayon luminuwa abo asin bulkan Bulusan
Perwisyo an dara sa mga pananom, kabuhayan
Mga tawo nagkahilang, pagrugaring binayaan
An krus kan abo nakamustra pa sa agtang
Dios nagpakasakit para sa Sankatawuhan
Awt man lugod Siya yaon pirme sa enotan
Mahanap niato tunay na ABO kan kinab’an
© BRD*2011[/FONT][/COLOR]
Friday, December 24, 2010 2:56:25 PM
Sailing soon towards..Le Havre, France...arriving there on 26 a.m.,at least we have x'mas party this evening! Merry x'mas to all.!
Tuesday, December 21, 2010 10:32:46 AM
Discharging almost done...nearly to sail to the next port which is...Teesport (Hartlepool), U.K.
1 2 Next »
My Opera
