Kurdish Opera

Li dinyayê niha ji 40 milyonî bêhtir kurd dijîn. Li Îranê computer bi tîpên erebî û bi farisî, li Sûriyeyê bi tîpên erebî û erebî, li Iraqê bi tîpên erebî û dîsa bi giranî bi erebî tên bikaranîn. Li Tirkiyeyê jî bi tîpên latîn û hemû bi tirkî... Kurd hem li van welatan hem jî li tevahiya dinyayê ji zimanê xwe û tîpên xwe dûr li ber computerê rûdinin û dixwazin hîn bibin.

Ji bo bikarin browser (gerok) hîn bibin divê berê zimanekî hîn bibin. Lewre bi kurdî tu bernameyên computergeriyê bi kurdî tune bû.

Ev du sal in ku Opera bi kurdî tê weşan. Ew yekemîn browsera navnetewî ye ku bi kurdî tê weşan. Opera 8.0 dê êdî berê wan bêhtir bide ser kalîteyê.

Tiştekî rast heye, ew jî ev e: Opera qet nebe ji Internet Explorer çêtir e û belaş e. Tew bi kurdî ye jî.

Wergera Opera pêşî bi Opera 7.23 dest pê kir. Dûvre Opera 7.51, Opera 7.52 û Opera 7.53 li pey hev hatin wergerandin. Di dema van wergeran de min sûde ji wergera tirkî, almanî, îngilîzî wergirt. Hevalê hêja ku xweş bi îngilîzî, erebî û kurdî dizane di vê pêvajoyê de gelek alîkarî kir û ez bawer dikim ku ji niha û pê ve dê şanenava wî jî bikeve ser rûpelên Oper. Cara yekem Opera 7.53 ji alî malpera Opera ve hate weşan. Ev ji bo me kurdan pêşketineke mezin bû.

Opera bernameyeke bi pereyan tê firotin e. Lê me tu pere wernegirtin. Ango ji bo ku beşa Kurdish were vekirin û ev pêvajo hinekî bi lez derbas bibe, me tiştek ji xwediyê Opera nexwest.

Niha di beşa zimanan de Kurdish heye, di nav rojnameyan de Kurdish Opera heye û emê di beşa Forumê de jî Kurdish bidin avakirin. Dê zimanê van beşan xwerû bi kurdî be û ji bo wergeran mînak be.

Ji bo vê yekê alîkariya hevalên wekî Rizoyê Xerzî ku xweş bi îngilîzî û kurdî dizanin pêwist e.

Meha Tîrmehê ji bo zimanê kurdî bi adan bû. Werin em meha Gelawêjê jî bi vîrengî bidomînin.

Silav û rêz
Rêzan Tovjîn
Amed