"To get the full value of 'JOY'

mere humsafar,tujhe kya khabar
ye jo waqt hai kisi dhoop chaaon ke khel sa
isey dekhte,isey jhelte
meri aankh gard se bhar gai
mere haath barf se ho gayen
mere bekhabar tere naam par
wo jo deep jalte they baam par
wo nahi rahen
wo nahi rahen ki jo ek rabt tha darmiyan wo bikhar gaya
wo hawa chali
wo kisi shaam aise hawa chali
k jo barg they sar-e-shakhe jaan.wo gira diye
wo jo harf darz thy rait par wo ura diye
wo jo rashton ke yaqeen thy
wo jo manzilon k ameen they
wo nishan-e-pa bhi mita diye!

mere humsafar,hai wahi safar
magar ek mod ke farq se
tere haath se mere haath tak
wo jo haath bhar ka tha faasla
kai mousamon mein badal gaya
usey naapte,usey kaat'te
mera sara waqt nikal gaya
tu mere safar ka shareek hai
main tere safar ki shareek hoon
par jo darmiyan se nikal gaya
usi fasle ki shumar mein
usi be-yaqeen se gubar mein
usi rehguzar ke hasaar mein
tera rashta koi aur hai,
mera rashta koi aur hai...!!!