Anilrbhardwaj

Pehli Baar kissi ko pyar kiya tha,
Har baat mein har baar ijhaar kiya tha,
Han toh usne nahi ki par manaa bhi nahi kiya tha,
Aaj tak soch rahe hain ki unke dil mein kya tha,
Kyun ye dil un par mar mita tha,
Dost the bachpan se kyun ye dil un par fida tha,
Har mod par hum unka intejaar karte the,
Ijhaar karne ke liye roj naye naye khat likha karte the,
Raat khamosh hoti thi par dil mein shor tha,
Kyun yeh dil unke liye itna majboor tha,
Unki aankhoin se aankhein nahi mila pate the,
Kitni mohobbat thi unse unhein batana chahte the,
Par unke samne hi nahi jaa pate the,
Agar woh samne aa bhi jate the,
Toh mere kadam hi ladkhada jate the,
Lamhoin se gujarish karte the unko samne lane ki,
Par khud unke samne nahi jaa pate the......

By Anil R Bhardwaj