macedon - ЦРВЕНАТА БОЈА ГИ ПОТВРДИ ПРАИСТОРИСКИТЕ КАРПЕСТИ ЦРТЕЖИ

ЦРВЕНАТА БОЈА ГИ ПОТВРДИ ПРАИСТОРИСКИТЕ КАРПЕСТИ ЦРТЕЖИ

Tuesday, 7. August 2007, 14:45:36

The last conclusion of experts from the French national center for scientific research is that "Cocev Stone" is at significant prehistoric site than currently thought.
Scientific workers who worked in session C02 with particular interest and attention followed the report of Dr. Aleksovski, and also photographs of Cocev Stone.
First results of the analysis are positive, it is that drawings are made in prehistory.

Последниот заклучок на стручните лица од Францускиот национален центар за научни истражувања е дека "Цоцев камен" е далеку позначаен праисториски локалитет, отколку што во моментов се мисли.

Во Лисабон, Португалија, минатиот месец се одржа Светскиот конгрес на истражувачите од областа на карпестата уметност, кој работеше во повеќе сесии.
Претставник од Македонија беше д-р Душко Алексовски, кој настапи со свој реферат на тема "Цоцев камен", единствено место во светот кое на едно место содржи праисториска опсерваторија, место за жртвување, сликана и гравирана карпеста уметност.

Откако Министерството за култура, како по обичај, немало пари за учество на д-р Душко Алексовски на овој значаен светски собир, неговиот престој во Португалија го финансираше еден од најголемите донатори во македонската култура, нашиот најголем бизнисмен во дијаспората, господинот Ѓорѓија - Џорџ Атанасоски.

Научните работници кои работеле во сесијата C02 со особено интересирање и внимание го следеле излагањето на д-р Алексовски, а исто така, и фотографиите од "Цоцев камен".

"Мегалитите правени од човечка рака и поставени на источната страна од седиштето за набљудување на небесните тела во однос на мегалитите, беа во центарот на вниманието, како и сликаната карпеста уметност од западната страна на 'Цоцев камен'.
Тие ја поздравија одлуката на CNRS (Национален центар за научни истражувања) од Париз, Франција, да направат лабораториска анализа на староста на бојата со која се нацртани праисториските карпести цртежи откриени на локалитетот 'Цоцев камен'", вели д-р Алексовски.

Неодамна, Светската академија за карпеста уметност добила извештај за првите резултати од овој вид анализа, односно писмено соопштение, како и графичка презентација во колор од анализата на бојата која лично од самото место ја презела познатата француска истражувачка на Долината на чудата во Франција, д-р Emilia Masson.
Првите резултати од анализата се позитивни, односно е констатирано дека станува збор за цртежи направени во праисторијата.
"Од причина што е потребен уште еден милиграм од црвената боја, овој месец ќе пристигне директорот на Националниот центар за научни истражувања од Франција, M. Findling Nathaniel во придружба на д-р Emilia Masson и ќе го посетат 'Цоцев камен'.
Тие ќе се обидат да земат соодветно количество од црвената боја, со која се изработени праисториските цртежи за нивно попрецизно датирање", објасни д-р Алексовски.

PLEASE NOTE: To view this website you will need at least
Flash Player 8 and to have to JavaScript enabled — thank you!