ПОСМРТНИТЕ ОСТАНКИ НА ПОЗНАТИ СВЕТИТЕЛИ
Sunday, 16. December 2007, 13:42:21
Како нешто што е на граница меѓу легенда и вистина, овој напис ќе го посветиме на податоците, според кои неколку вредни реликвии извесно време биле чувани во Македонија.
Да ги спомнеме оние за кои најдовме податоци.
Познато е дека голем број христијански светители престојувале на територијата на Македонија (претежно во манастирите на Света Гора).
Некои од овие светители и починале во Македонија, каде биле и погребани.
Сигурно дека би било интересно истражување во насока на давање концизен одговор на прашањето чии мошти од погребаните светители се чуваат во Македонија.
Но, сега нема да се задржиме на оваа тема, туку само ќе ги издвоиме можеби најважните светители чии мошти се чуваат во Македонија.
Постои запис, според кој во веќе спомнатиот манастир "Дохијар" на Света Гора, се чувале дел од посмртните останки на Света Марија Магдалена и на Светиот Исусов апостол Филип ("Второе путешествие на Свиатои Гори Атонскои архимандрита епископа Порфирија Успенскога во год. 1858, 1859 и 1861 и описание скитов атонским", Москва, 1880, цит. според Александар Матковски: "Македонија во делата на странските патеписци 1850-1864", Скопје, 1992).
Да се потсетиме дека Свети Филип бил еден од дванаесетте Исусови апостоли и тој, според еден апокрифен ракопис, за време на својот престој во Атина во I век по Христа, имал средби со многумина Македонци
(подетаљно во книгата "Исус Христос и Македонците" од А. Донски).
Што може да се заклучи во врска со овие податоци?
Навистина тогаш тешко можело да се докаже дали овде спомнатите реликвии (жезолот на пророкот Мојсие, садот од кој пиел Исус, дел од посмртните останки на Свети Филип и Света Марија Магдалена), биле автентични или, пак, на овој начин угнетените македонски христијани сметале дека можат да го свртат вниманието на останатите христијански земји, надевајќи се дека ќе ги ослободат побрзо.
Сепак, не треба целосно да се исклучи макар и најминималната можност за претпоставка за автентичноста барем на некоја од овие реликвии, затоа што никој не може да знае што се криело низ вековите по македонските манастири и цркви, особено на Света Гора, која е еден од водечките центри во христијанството.
http://www.makedonskosonce.com
WIDGETIZE
How to use Quote function: