Arz kiya hai....

Mohabbat mujhe thi unse itni,
Unki yaadon mein dil tadapta raha...
Maut bhi meri chaahat ko rok naa saki,
Kabr mein bhi dil dhadakta raha.

Dil ke dard ko lafzon mein dhaala naa gaya,
Gam ke aansuon ko aankhon se nikaala naa gaya...
Usne mujhe dard is liye diya,
Kyunki usse mera pyaar sambhala naa gaya.

Jisne humko chaaha, use hum chaah naa sake,
Jisko chaaha, use hum paa naa sake...
Yeh samajh lo dil tootna khel hain,
Kisi ka todkar apnaa bhi bacha naa sake.

Ishq karne wale aankhon ki baat samajh lete hain,
Sapno mein woh mil jaye to mulakaat samajh lete hain...
Rotaa to aasmaan bhi hain pyaar ke liye,
Par log use barsaat samajh lete hain.

Woh keh gaye humse ki woh ab hume sapno mein hi milne aayenge...
Koi jaa kar keh de unhe...
Woh aane ka waada to kare,
Hum hamesha ke liye so jayenge.

Nasha hum karte hain, ilzaam sharaab ko diya jaata hain...
Par ismein kasoor sharaab ka nahin...
Kasoor to unkaa hain jinkaa chehraa humein har jaam mein nazar aata hain.

Jiyo itnaa ki marnaa mushkil ho jaye,
Hason itnaa ki ronaa mushkil ho jaye...
Kisiko chaahna achhi baat hain,
Magar chaaho itnaa ki bhulaana mushkil ho jaye.

Kitni jaldi yeh shaam guzar jaati hain,
Pyaas bhujti nahin aur barsaat guzar jaati hain...
Apni yaadon se keh do ki yun hume sataaya naa kare,
Neend aati nahin aur raat guzar jaati hain.

Tanhaaii se nahin, mehfil se dartaa hoon,
Duniyaa se nahin, khud se dartaa hoon...
Yun to bahut kuch khoya hain humne,
Par naa jaane kyun tumhe khone se dartaa hoon.

Nadiyon ke kinaare chooth jaate hain,
Aasmaan se taare toot jaate hain...
Zindagi ki raah mein aksar aisa hota hain,
Jinhe hum chaahte hain wahi rooth jaate hain.

Woh aate to hain magar tan se nahin,
Baithte to hain magar man se nahin...
Kaun kegta hain woh pyaar nahin karte,
Karte to hain magar humse nahin.

Ek din humare aansu humse pooch baithe,
Hume roz roz kyun bulaate ho...
Humne kaha...
Hum yaad unhe karte hain,
Tum kyo chale aate ho.

Kalam uthai hain lafz nahin milta,
Jisko dhoondhte hain woh shaks nahin milta...
Ghoomte hain woh zamaane ki talaash mein,
Bas humaare liye hi unhe waqt nahin milta.

Paane se khone ka mazaa aur hain,
Band aankhon se dekhne ka mazaa aur hain...
Aansu bane lafz aur lafz gazal,
Teri yaadon ke saath jeene ka mazaa aur hain.

Ishq kiya tujhse mere aitbaar hi hadd thi,
Ishq mein de di jaan mere pyaar ki hadd thi...
Marne ke baad bhi khuli ti aankhein,
Yeh mere intezaar ki hadd thi.

Mohabbat ke kuch aise armaan bhi armaan hote hain...
Jaagti aankhon mein bhi khwaab hote hain.
Kaun kehta hain ki gum mein hi aansu nikalte hain...
In muskaraati aankhon mein bhi sailaab hote hain.

Log apno ki baat karte hain...
Humne gairon ko bhi aazmaaya hain.
Log to kaanton se bach ke nikalte hain...
Humne to phoolon se zakhm khaya hain.

Agar karni thi bewafai to pehle bata dete...
Duniya badi haseen thi...
Hum kisi aur se dil laga lete.

Phool khilna chaahta hain...
Kali khilne nahin deti.
Dil milna chaahta hain...
Kismat milne nahin deti.

Khwab ke aashiyan par bijli gira di...
Meri hasraton ko khakh mein mila di.
Usi bewafa ne wafa ki kadr naa ki...
Jiske pyar mein humne hasti mita di.

Ki log pyaar kyu karte hain kisi ko...
Jab woh us pyaar ko nibha nahin sakte.
Kyu thamte hain wo hath apne hatho mein...
Jin hatho ko sari umr tham nahin sakte.

Jab bhi koi rishta kabhi tutata hain...
Pyar se thama koi hath jab chutata hain.
Dil mera tujhe karke yad hota hain udas...
Aur mujhse fir woh ek sawal puchta hain.

Dard se dosti ho gai dosto...
Zindgi bedard ho gai dosto.
Aur kya hua jo jal gaya ashiyana humara...
Dur talak roshni ho gayi dosto.

Har khamosi ka matlab inkar nahin hota...
Har nakamiabi ka matlab har nahin hota.
Kya hua hum unko pa naa sake...
Sirf pane ka matlab hi to pyar nahin hota.

Aankhon mein aansu aa jaate hain,
Phir bhi labho pe hasi rakhni padti hain...
Yeh mohabbat bhi kya cheej hain yaaron,
Jinse karte hain unse hi chupaani padti hain.