bharat banate

Posts tagged with "Relationship"

व्हॅलंटाइन डे ---कोपरा भाग -१

Friday, 13. February 2009, 00:03:39

Love, Relationship

नमस्कार मित्राणो,आज मी तुम्हा लोकाना एक स्टोरी सांगणार आहे.ही स्टोरी आहे माझ्या प्रिय मित्राची(परेश ची).

वेळ:-६ महिने पहिले,सकाळी ११

ठिकाण:-ICICI ATM,फक्डे हुआड,पुणे

पाञ:

हीरो:-परेश

हेरॉईन:-आत्ता पर्यंत हीरो फक्त बघतो आहे (हेरॉईन कडे)पण अजुन काही नाव समजले नाही.

बर आत्ता काय झाल...आपला हीरो होता लाईने मधे उभा.

.अचानक त्याला मागून आवज आला.

"लोकणा तर काही तर काही समजत नाही...कुठे ही कसि ही गाडी लावतात"

आता बाकी स्टोरी उद्या....

2 comments

खरं प्रेम म्हणजे काय?

Monday, 9. February 2009, 14:38:38

Relationship, Love

एका सुंदर संध्याकाळी जुहू बीचच्या वाळूवर, भेळपुरीवाल्यांच्या किलबिलाटात तुम्ही गर्लफ्रेण्डचा हात हातात घेऊन तिला सांगता.... मी 'सत्यम'मधे नोकरी करतो...

आणि तरीही ती तुमच्याशी लग्न करायला होकार देते.

7 comments

फक्त तुझ्याचसाठी...

Thursday, 15. January 2009, 20:11:11

Relationship, Love

फक्त तुझ्याचसाठी ...
आयुष्यातले प्रत्येक क्षण
मोजत असता मला हळूच चाहूल लागून जाते
एक सावली पडून जाते
थंड वारा वाहवून जाते

तेव्हापासून सारखी मी वाट पाहतो
त्या सावलीची ती चाहूल
त्या थंड वाय्राच्या झोक्याची
नजरेसमोर येणाय्रा त्या व्यक्तिच्या प्रतिबिंबाची

तेव्हा पासून मन माझे
मला सांगत असते
वाट पाहायची तिच्यासाठी
वाट पाहयची त्या सावलीसाठी

कधीतरी ती व्यक्ति समोर येते
मनाला आनंदाचा अस्वाद देते
तिच्या फक्त गोड शब्दांमधून
अनेक गोडवे जाणवतात

तेव्हा माझे मन स्वत: ठरवते
सर्व काही मिळवीन फक्त तुझ्यासाठी
सर्वकाही सोसीन फक्त तुझ्यासाठी
आयुष्यातला प्रत्येक क्षण देईन फक्त तुझ्यासाठी

आयुष्यातील सर्व दु:ख
गोळीसारखी एकाच वेळी गिळून टाकीन
डोळ्यातले अश्रु न थांबल्यास तुझे चित्र पाहीन
अन ते डोळे मिटिन

मला असेच वाटते ....
आयुष्य जगावे हे तुझ्याच साठी
सर्व काही संपवावे फक्त तुझ्याच साठी
प्रत्येक क्षण सोनेरी बनवावा फक्त तुझ्याच साठी

हे ह्र्दय काढून द्यावे फक्त तुझ्याच साठी

4 comments

" ती" संध्याकाळ

Wednesday, 14. January 2009, 15:34:35

Love, Relationship

वा-याने गंधांचे थवे फ़ुलले
पक्ष्यांची शाळा भरली
संध्याकाळ बासरीने गुणगुणली
मला ती येण्याची चाहूल लागली

पाणी बेभान थिरकले
डोंगर संधीप्रकाशाने उजळले
दिवसाची घालमेल थबकली
मला ती येण्याची चाहूल लागली

सृष्टी चैतन्यात चिमुकली झाली
अंबरात सांज ऊतू गेली
पायवाटांत ओढ भिरभिरली
मला ती येण्याची चाहूल लागली

मेघ रेशमी गारव्याच्या अंथरुणात उतरले
डोळे संध्येच्या पंखांनी झाकले
अरुणाने रात्रीला हाक दिली
मला ती येण्याची चाहूल लागली

3 comments

असंही प्रेम असतं!!

Friday, 2. January 2009, 21:59:10

Love, Relationship

असंही प्रेम असतं!!
असंही प्रेम असतं!!

अशाच एका संध्याकाळी,मन खुप जास्तच उदास झालं होतं....

काय करु? काहीच सुचतं नव्हतं...

उगाच मनात विचार आला, चल स्मशानात जाऊयात....

गेलो मग स्मशानात एकटाच!बसलो एका थडग्याजवळ जाऊन....

थडगे ताजे वाटत होते....मनात कुतूहल जागले....

थडग्यावरचे नाव वाचले...' महनाज़ खान ' '१९८६-२००७'...

म्हणजे माझ्याच वयाची असेल!

कसं ग्रासलं असेल मृत्युने तिला?काय कारण असेल?

आजार? खून? का... का बाळंतपणात दगावली असेल ती?

मनात उगाच प्रश्नांचे काहूर उठले...

तेव्हढ्यात एक मुलगा त्या थडग्यावर फुले ठेवण्यासाठी आला....

मी त्याला विचारले ' तू भाऊ का तिचा?'

तो म्हणाला 'नाही, मी तो, ज्याच्यासाठी तिने आत्महत्या केली!'

मी विचारले ' आत्महत्येचं कारण?'

तो म्हणाला ' मला ब्लड कॅन्सर झालाय! २ आठवडे उरले आहेत फक्त!'

मी चकीत झालो!

विचारले ' मग तिने आत्महत्या का केली? तू जिवंत असतानाही?'

तो म्हणाला ' ती माझ्या स्वागताच्या तयारीसाठी पुढे गेली आहे!'

.......मी निशब्द....

असंही प्रेम असतं!!