Bharat Says

‘ ..अॅण्ड ऑस्कर गोज टू... ए. आर. रेहमान... ’ बस्स... हे शब्द कोडॅक थिएटरमध्ये उच्चारले गेले... आणि हॉलिवूडच्या राजधानीत ‘ जय हो ’ चे स्वर निनादले... बेस्ट ओरिजनल साँग आणि बेस्ट स्कोअर या दोन श्रेणीसाठी रेहमानने अंकल ऑस्करची बाहुली उंचावली आणि तो दोन ऑस्कर मिळवणारा पहिला भारतीय ठरला.





या दोन श्रेणींव्यतिरिक्त स्लमडॉग मिलेनिअरसाठी बेस्ट पिक्चर, डॅनी बोएल ‘ बेस्ट डायरेक्टर ’ , सायमन बिफॉयला ‘ बेस्ट अॅडॉप्टेड स्क्रिन प्ले ’, अँथनी डॉड मॅन्टलला ‘ बेस्ट सिनेमॅटोग्राफी ’, रिसूल पूकुट्टीला ’ बेस्ट साऊंड मिक्सिंग ’ तर क्रिस डिकन्सला ‘ बेस्ट एडिटिंग ’ साठी ऑस्कर मिळाले. या सा-या पुरस्कारांमुळे स्लमडॉगला मिळालेल्या एकूण ऑस्करची संख्या आठ झाली.