MÖHÄBBÅT

chalo wapas palat jayen
Is la-haasil Mohabbat se kia faida
jo na ho paaye gi mukammal
jis ki takmeel nahi koi

kia zaroori hai raah mein hum tum
unhi kharre rahen aur murr murr ke
beete palon ko dekhen
aur beete dinon ki yaadein tarashein

kia faida is la-haasil Mohabbat ka
jo na tum ko sakoon deti hai
na mujh ko sakoon deti hai
na tum chain se rehte ho

na hum ko chain milta hai
kia faida is la-haasil Mohabbat ka
chalo ab palat jayen apne apne thikano ko
ke is la-haasil Mohabbat ka faida kia hai