MÖHÄBBÅT

kisi ki aankh jo purnam nahi hai
na samjho ye k us ko gham nahi hai

savad-e-dard mein tanha khara hun
palat jaaon magar mosam nahi hai

samajh mein kuch nahi ata kisi ki
agarche guftagu mub'ham nahi hai

sulgta kiyon nahii tareek jangle
talab ki lu agar mad'ham nahi hai

ye basti hai sitam parverdaa'n ki
yaha koi kisi se kam nahi hai

jo koi sun sakay amjad to duniya
bajuz ek bazgasht-e-gham nahi hai