MÖHÄBBÅT

Wo silsilay wo shoq wo nisbat nahi rahi
Ab zindagi mai hijar ki wehshat nahi rahi

Toota hai jab say uski maseehai ka tallism
Dil ko kisi maseeha ki hajat nahi rahi

Phir yun hua k koi shanasa nahi raha
Phir yun hua k dard main shidat nahi rahi

Phir yun hua k ho gaya masroof wo bohat
Aur hum ko yaad karnay ki fursat nahi rahi

Ab kia kisi ko chahain gay hum ko tu in dino
Khud apnay app say bhi mohabat nahi rahi...