Saturday, 10. October 2009, 11:12:31
Birthday
Happy birthday to a special friend
All my love to you this precious day!
Part of me knows just what i should say;
Part perhaps some deeper word would send
You're the strand on which i silent write
Before my dreams are swept far out to sea.
In you there's room to center and run free,
Restoring my lost sense of space of light
To me you're a place where i can stay
Hanging out to watch the rush of time
Drawing in the sand a lazy line
Along which i can go my own sweet way
You're my sun and shade, my bread and wine
Wednesday, 9. September 2009, 17:20:30
Kifayatullah
sard raat ke pech'hle pehr
har taraf tariki hai
sannata hai khamoshi hai
aur mein kamry ke ek kone mein
sihma sihma betha hu'n
aankhoo'n mein intezar liye
buht saare sapne liye
sochta rehta hu'n
kitne bache honge jin ke saroo'n par
chat nahi hogi
aur urrhne kiliye kambal nahi hoga
jalane kiliye lakrri nahi hogi
dusri taraf, missile aur tank
aag barsa to rahe hein
Lakin!
ye to tapish nahi deti
ye to jala deti hai
zinda insaano'n ko
gira deti hai
biland emaratoo'n ko
mita deti hai
barre barre shehroo'n ko
badal dalti hai
duniya ke naqshe ko
ye aag barsane wale bhi to insaan honge
kia vo kabhi sochte honge
is aag se tapish to bhi di jaskti hai
tabahi ki jaga
lakin vo kiyo soche
un ke bache to garam bistar pe so rahe honge
sapne dekh rahe honge
subah uth ke garam paani hoga
phir nashta hoga
phir kitab aur qalam hogi
Lakin!
us gharib bache ka baap
kiyo'n nahi sochta
k mera bacha kanp kiyo'n raha hai
itni sardi kiyo'n lagrahi hai
piyasa kiyo'n hai?
bhuka kiyo'n hai?
nanga kiyo'n hai?
aakhir kab tak is haal mein rahe ga
ghulami ke jaal mein rahe ga
apni qisamt ke faisle kab kerega
kabhi kabhi to sochta hoga
ha! zarur sochta hoga
lakin kuch kerta kiyo'n nahi?
shaid, is liye k
vo khud bhi kamp raha hai
sardi usay bhi lag rahi hai
bhuka vo bhi hai
nanga vo bhi hai
phir kuch kerta kiyo'n nahi?
Lakin!
iska koi bacha bhi to hoga
bhai to bhi hoga
parosi to bhi hoga
jo jawan hoga
jo soch sakta hai
jo sochta hai vo ker sakta hai
Haa'n!
usay sochna hoga
jo sochay ga vo kerna hoga
us zalim se taqat chhenna hogi
jo aag barsate hein
jo jala deta hai
jo gira deta hai
jo mita deta hai
nahi to!
ye zalim aakhiri newala bhi chhen lega
sans bhi chhen lega
khun pe lega
qaum ka nishan mita dega
phir!
muaarikh qalam uthaye ga
ek taraf be-hisi
aur
dusri taraf bahaduri
lambi chauri kahani hogi
lambe lambe auraaq honge
na khatam hone wali siyaahi hogi
muaarikh lekhta rahe ga
aur yahi hamarai kahani hogi.
(Kifayatullah. 2: 45 am, 25th December, 2008)
Wednesday, 2. September 2009, 18:11:11
Poem
Kahain wo mile to use khena.
K
Lot aao,
Lot aao k koi shidat se,
Bari mudat se,
Bari mohabat se tumhara intizar kr rha he,
Lot aao k
kesi ki baten,
Kesi ki yaden,
kesi ki rahen,
Tum bin bohat adhori hen,
Lot aao k koi tum bin pal pal, har pal, har aaj or har kal tanha he,
Loat aao k tumhare na hone se ksi ki aankhoo me numi or zindagi me kami bohat zayada he,
Kahain mile tu use khena k
Lot aao,
Bs
Ab Lot aao...!
Wednesday, 2. September 2009, 18:08:31
Poem
Tumhen ek din kaha tha jo..
K tm se pyar karte han. !
Wo lamha bhool kyun baithe?
Wo jumla bhool kyun baithe?
Abhi tajdeed mango ge,
meri belos chahat ki..
Tumhen ek bar phir se wo !
Mohabbat na mile shayad !
Ye jo tum rooth bethe ho, Tmhari kam nigahi hai..
Tmhen gar pyar karna tha!
Hmare sath chalna tha!
Wo ek izhar sun lete..
Whi izhar kaafi tha!
Tmhen ek din kaha tha jo,
"k tm se pyar karte hai.
Friday, 21. August 2009, 09:11:10
Pashto
Zama pa zra ki usa, zama khesta janana
Ta yaadom janana, ma yadava janana
Baghair la ta mi jwandoon, peka peka teri gi
Musafaro aokhwarey, kor ta raza janana
Voraz kho za bia hum kha vi, pa sa mashghula yuma
Laka be-jaley marghayi, terom shpa janana
Ta ba hamzolo sara khpaley khabarey kavey
Za SALAR cha ta aokam khpala qisa janana.
Sunday, 8. March 2009, 21:36:03
Parveen Shakir
Sula raha tha na bedar ker saka tha mujhe
Vo jaisey khawab mein mehsoos ker raha tha mujhe
Yahi tha chand aur us ko gawah tehra ker
Zara sa yaad to ker tu ne kia kaha tha mujhe
Tamam raat meri khawbgaah roshan thi
Kisi ne khawab mein ek phool de dia tha mujhe
Woh din bhi aye k khushbu se meri aankh k'huli
Aur ek rang haqiqat mein chu raha tha mujhe
Mein apni khak per kaisey na lot ker ati
Buht qareeb se koi pukarta tha mujhe
Daroon-e-khaima hi mera qayam rehna tha
to meer-e-fauj ne lashkar mein kio liya tha mujhe
PARVEEN SHAKIR
Tuesday, 10. February 2009, 16:10:35
Ghazal
Benaam sa ye dard teher kiyo nahi jata
Jo beet gaya hai vo guzar kiyo nahi jata
Sab kuch to hai kia dhondti rehti hein nigahain
Kia baat hai mein wakt pe ghar koi nahi jata
Wo ek hi chehra to nahi saray jahan mein
Jo door hai wo dil se utar kio nahi jata
Mein apni hi uljhi hui raahoon ka tamasha
Jatey hein jidher sab mein odhar kio nahi jata
Wo naam jo najanaey kab se na chehra na badan ha hai
Wo khawb agar hai to bikhar kio nahi jata.....
Saturday, 7. February 2009, 19:43:08
Ghazal, Parveen Shakir
Chehra mera tha, nigahain us ki
Khamoshi mein bhi vo baatain us ki
Merey chehrey pe ghazal likhti gayi'n
Sher kehti huyi aankhain us ki
Shokh lamhoo'n ka pata deney lagain
tez hoti hui sansain us ki
Aysi mosam bhi guzarey hum nai
Subhain jab apni thi, shamain us ki
Nind is soch sey tuti aksar
Kis tarah kat'ti hai ratain us ki
Door reh ker bhi sada rehti hai
Mujhe ko thami hui bahain us ki
Friday, 30. January 2009, 23:42:49
Ghazal
Meri aankhon k samandar mein jalan kaisi hai
Aaj phir dil ko tarapney ki lagan kaisi hai
Ab kisi chhat pe chiraghon ki qatarain bhi nahi
Ab terey sheher ki galiyon mein g'hutan kaisi hai
Barf ki roop mein dhal jayenge saarey rishtey
Mujh se pochho k mohabbat ki agan kaisi hai
Mein terey wisal ki khawhish ko na marney dunga
Musam-e-hijar k lehjey mein thakan kaisi hai
Regzaaro'n mein jo bunti rahi kaanton ki rida
Us ki majboor si aankhoon mein kiran kaisi hai
Mujhe masoom si larki pe taras ata hai
Usey daikho to mohabbat mein magan kaisi hai
Saturday, 24. January 2009, 13:21:40
Ghazal
Be-aitebaar shakhs tha so waar kar gaya
Lakin merey shawoor ko baidaar kar gaya
Kuch mein ne Ishiteial mein shikwey giley kiye
kuch wo shikayatain sar-e-bazar kar gaya
Pehley woh meri zaat ki taameer mein raha
phir mujh ko apney haath sey mesmaar kar gaya
woh aa mila to faasley kat'tey chaley gaye
bichrda to raastey merey dushwar kar gaya
1 2 3 4 5 ... 10 Next »
Showing posts 1 -
10 of 97.
WIDGETIZE