MÖHÄBBÅT

Sula raha tha na bedar ker saka tha mujhe
Vo jaisey khawab mein mehsoos ker raha tha mujhe

Yahi tha chand aur us ko gawah tehra ker
Zara sa yaad to ker tu ne kia kaha tha mujhe

Tamam raat meri khawbgaah roshan thi
Kisi ne khawab mein ek phool de dia tha mujhe

Woh din bhi aye k khushbu se meri aankh k'huli
Aur ek rang haqiqat mein chu raha tha mujhe

Mein apni khak per kaisey na lot ker ati
Buht qareeb se koi pukarta tha mujhe

Daroon-e-khaima hi mera qayam rehna tha
to meer-e-fauj ne lashkar mein kio liya tha mujhe

PARVEEN SHAKIR

chara gar har gia ho jaise
ab k to marna hi dawa ho jaise

mujhe se bichra tha vo pehle bhi magar
ab k ye zakham naya ho jaise

mery maathe pe tere piyar ka haath
rooh par dast-e-saba ho jaise

yun buht hans ke mila tha, lakin
dil hi dil mein vo khafa ho jaise