飲飲食食之旅

是日公眾假期,休息一天。
媽媽帶同我與我家老竇深圳一日遊。
實質就得幾個鐘....any肥由於晏晝去既關係,係個邊行陣就經已肚餓啦～
家母好勁咁做哂功課話一係係豫園，一係就留園。
但係留園竟然好可惡咁唔聽電話等我哋無得問路。
你唔聽咪算囉，唔食你食豫園。
問咗點去之後一家就浩浩蕩蕩咁坐地鐵去中信城市廣場。

去到個邊媽媽又再發功，一身狂風掃落葉既姿態點菜，多到都睇唔切佢叫咗啲咩。


到上菜啦～先嚟既係醉蝦.
我就真係唔敢食啦～好似仲未死咁。但係媽媽就話好好味。
再嚟就係糖蓮藕同楊州干絲
糖蓮藕熱辣辣蒸出嚟，加上又香又甜既桂花糖。
好味到呀!!
楊州干絲又鮮，切得又幼。啲干絲索哂啲雞湯同火腿味。
又咸又鮮～一流～
素菜包一食就知係新鮮做。菜係鮮綠色既，但係無青未又乾身唔出水。好味!香港好多都係隔夜菜....
之後就係荵油餅啦，3個字「咸、香、脆」！無敵呀！
之後就係薰蛋啦～薰味好香好香～之但係淡咗啲～都唔錯既~
糖醋小排骨!!我差唔多一個人食哂!!!實在係太太太太太太好食啦～又熱又甜又香又酸～
油條抄絲瓜～又乾身又夠爽口～正!!
最後係一粒孤孤單單既蘿蔔絲酥餅～
由於太好味既關係爸爸媽媽經已好快咁食咗.....

So Far 我個人覺得可以再去～!!!所以連member都join埋啦～
哈哈哈哈哈~~