Emerald

Nagbabala ang isang grupo ng Environmentalist sa bansa sa resulta ng isang pagsisiyasat na nagsasabing may taglay na mga toxic chemical ang mga plastic na tsenilas sa merkado na maaring magresulta sa pagkabaog ng mga kalalakihan.

Ayon kay Manny Calonzo, pangulo ng Ecowaste coalition lumalabas sa pag-aaral na isinigawa ng swedish society for nature conversation na 17-27 pards ng tsenilas mula sa pilipinas, india, indonesia, south africa, uganda, tanzania at sweden ay may mga sangkap na mapapanganib na chemical tulad ng mga phthalate at heavy meatal.

Nabatid na ang phthalate ay gumagamit na pampalambot sa plastic na PVC na itinuring ng endocrine disruptor ang chemical na ito at inuugnay sa mga developmental at reproductive disorder, katulad ng hindi kumpletong paglaki ng bayag at pagkakabaog sa mga kalalakihan.
Sinabi pa ng grupo na sa apat na plastic na tsenilas mula pilipinas, tatlo ang may phthalate na DEHP kung saan ang isang sampol na tsenilas mula rin sa pilipinas ay nagtala ng pinakamataas na antas ng phthalate ng DBP.
Ang mga tsenilas mula sa pitong bansa ay nakitaan din ng ibat ibang heavy metal tulad ng arsenic, cadium, cobalt, chromium, copper, lead, mercury, manganese, nickle at zinc na pawang mga toxic.
Dalawang tsenilas mula pilipinas ang nagtala ng matataas na antas ng heavy metal sa 27 sampol mula pitong bansa, ang isang sampol ay pinakamataas ang konsentrasyon ng copper at ang isa naman ay pumapangalawa sa nickle.
Nakakabahala ang paggamit ng mga mapanganib na chemical sa mga ordinaryong prndukto tulad ng tsenilas. Walang kamuwang-muwang ang mga konsumer na kasama sa ating binibili ang mga chemical na maaaring magdulot ng peligro sa ating katawan.
"Kalusugan at kapaligiran" ang pahayag ni calonzo.