SíðUmyndblÖg Gests og Siggu

Smelli hér inn nokkrum myndum frá Ása frænda


Sverrir Styrkár svaf af sér næstum alla veisluna. Svo var eins og fólk hefði heyrt af honum sögur því flestir létu sig hverfa þegar hann rumskaði. Hann var samt sæll og glaður og rosa ánægður að fá að opna svona marga flotta pakka þegar hann vaknaði.


Feðgarnir flottir við sjálfa athöfina.


Ástu þótti við hæfi að gyrða sig og vera svolítið snyrtileg við athöfnina.


Svo fór Ásta Rós að dást að pökkunum hans Sverris Styrkárs.


Veit ekkert hvaða fólk þetta er. Hver bauð þeim???!!


amma og afi á Egilsstöðum, Þórný móðursystir og Anne-Claire kökuskreytingarmeistari sem við sérpöntuðum frá Hollandi til að skreyta kökuna (ég veit soldið 2007).


Ömmur og afi að dást að piltinum.

Fær sko hárin til þess að rísa.

til að sitja og SíðuMYndblÖgga þar sem ég er á fullu við uppeldisstörf. Mig langar samt til þess að smella inn smá menningarvitrun fyrir ykkur trúlausu. Ég hef ákveðið að dæla yfir ykkur ljóðum Þorsteins Guðmundssonar á hverjum þeim degi sem ég er ekki með fréttir af frelsaranum eða okkur lærissneiðunum.

2006 kom út ljóðabókin Barkakýli úr tré eftir Þorstein Guðmundsson grínista og rithöfund. Í henni er að finna yfir 100 einföld og stutt ljóð í anda þess fáránleika og þeirrar undirfurðulegu sýnar á hversdaginn sem hann er þekktur fyrir.


Fyrsta ljóð bókarinnar er einhverskonar intro og ákall til skáldagyðjunar um áframhald á endaleysulok tilhneigingarinnar til þess að stoppa með því að halda stöðugt áfram. Það er ekki víst að stöðug endalok séu endilega byrjun á einhverju þó svo að í daglegu tali sé huggun harmi gegn að geta beitt tungumálinu laukrétt og skynsamlega með því að ljúga. Ljóðið er hér fyrir neðan og ég held að það sé ekki hægt að orða það betur en Þorsteinn gerir. Golf klapp fyrir hann ! Njótið vel.






Bíllinn minn er hvítuð
Það er flottur lítuð.



Þorsteinn Guðmundsson

!


Staðan
Já nú er staðan sú að kallinn er orðin 18 daga gamall og ekki enn farinn að lesa. Þetta kemur okkur siggu töluvert á óvart því að sé tekið mið af greind foreldrana, það er mín og Siggu, þá ætti hann að vera orðin fluglæs og jafnvel farin að hripa orð á blað. Svo er þó ekki reyndin og ef hann tekur ekki stórt stökk fram á við þá neyðumst við til þess að draga til baka umsókn um grunnskólavist í vetur. Þá hljótum við líka að spurja okkur hvort geti verið að mistök hafi verið gerð á spítalanum og að hann sé ekki sonur okkar ?

Saga af útferð
Einhverjir bentu okkur á að í síðustu færslu hér á myndablögginu hafi engum orðum verið eytt í að segja hvernig ,,útferð" frelsarans hafi gengið fyrir sig og ætlum við nú að bæta úr því.

Koma frelsarans eftir tíma samdráttar
Samdráttur hófst á heimili okkar á Grettisgötu um miðnætti en við héldum okkur rólegum heimavið þangað til á hádegi daginn eftir. Þangað til vorum við að dytta að húsinu, rífa niður strompinn og festa þakplöturnar fyrir haustveðrin sem koma yfirleitt á haustinn. Þegar við komum á sjúkrahúsið um hádegisleitið var Sigga, ástarhýsillinn minn, komin með 4 í útvíkkun. Allt gekk svo sinn eðlilega gang þangað til átta í útvíkkun var náð. Engra lyfja hafði verið neitt fyrr en þá og þótti tilvalið að spæsa teitið aðeins upp og vildi ég ólmur kveikja upp í hláturgasinu. Ég var sem betur fer stöðvaður áður en ég náði að bera brennandi eldspýtuna að gleðigasgrímunni. Það er víst eldfimt sem mér finnst fáranlegt og stórhættulegt að vera með sprengihættulegt efni á fæðingarldeild. Kjánar. Hvað sem því líður þá hitnaði heldur í kolunum þegar gleðigasið var tekið til brúks og sumir , nefni engin nöfn hentu sér í pottin í góðum fíling. Klukkan 16:23 ætlaði allt vitlaust að verða í veislunni þegar sjálfur frelsarinn mætti á svæðið með innkomu, eða kannski frekar útkomu sem vakti gríðarlega eftirtekt. Hann var svo svalur þegar hann mætti á svæðið að hann var blár og hreinlega skipti um lit !!!! Hann fór beint í pottinn til mömmu sinnar og allir trylltust af gleði. Stuttu seinna var ákveðið að róa teitið niður og skriðum við feðgarnir í rólegheitum í rúmið og spjölluðum saman um heima og geima, hvernig væri heima og hvað mætti þar geima. Aðrir róuðu sig niður með kaffibolla og enn aðrir við saumaskap.

og hvernig lúkkaði svo barnið við mætingu
Pabbi, afi Gunnar, var spurður þessarar spurningar og var svarið frá honum á þá leið að barnið hefði erft vaxtarlagið hans pabbi síns. Barnið hafi verið 14 sentimetra á hæð og 52 merkur... EKKI FYNDIÐ pabbi og þú mátt vita að ég set þig ekki á gott elliheimili þegar kemur að því og þú skalt líka vita að það stytist í það gamli maður!!!

Rétt
Rétt skal vera rétt og hún notuð við að draga fé í dilka sem eru í réttum réttum.
Snillingurinn og undrabarnið okkar var sem sagt 14 merkur (3525 gr) og 52 sentimetra (0.52 metrar). Hann er því ekki eins og ég í vextinum því ég er akkúrat meter hærri en hann og smá þyngri.


Hvað hefur á daga hans drifið.
Myndirnar hér fyrir neðan sýna það helsta sem á daga hans hefur drifið en því miður þá kláraðist filman í myndavélinni akkúrat þegar hann var úti að hjóla í fyrsta sinn. Svo eru líka hér fyrir neðan myndir af honum í fyrsta fimleikatímanum nema að það hafi eitthvað klikkað þegar ég var að uplóda þær hér á síðuna.



Kallin smellti sér í Júróvisíjon partí og klikkaði ekki á dressinu. Við vitum ekki hvað gerðist en allt í einu sáum við hverjum hann líkist. Hann er nákvæmlega eins og Sigga.



Langamma kom í heimsókn og strákurinn lagði henni lífsreglurnar og sú gamla fór heim með ný lífsviðhorf og er núna á línuskautanámskeiði í Færeyjum.



Einn góðan veðurdag fengum við starfsmann frá Fálkanum til þess að mæla út höfuðstærðina á honum því við viljum að hann hafi rétta stærð af hjólahjálm þegar hann fer út að hjóla á eftir.



Sleeping bjútí! er hann kannski að dreyma draumaprinsessuna ? Ég elska þig viltu kyssa mig (vá hvað maður verður væmin þegar maður er orðin Faðir Gestur))



Maður verður hreinlega syfjaður á því að sjá hann sofa, kannski er ég bara syfjaður ?ja held ég leggi mig bara

Fann þetta á barnaland:

Langar þig að léttast um 5-10 kg?
Eru þreytt á sleni og síþreytu? Er líkaminn löngu búin að segja stopp?

Crash Diet er nýung á markaðinum. Um er að ræða 10 daga detox meðferð þar sem þú losnar við eiturefni úr líkamanum og líkaminn fer að brenna fitubirgðum okkar. Algengt er að missa 5-10 kg á þessum 10 dögum og jafnvel meira.

Um er að ræða töflur sem þú lifir á í 10 daga og þú færð öll þau næringarefni sem líkaminn þarfnast. Ótrúlegt en satt... þú finnur ekki fyrir hungri.

Hver pakki inniheldur 30 skammta af vítamínhylkjum, vatnsflösku, leiðbeiningar, málband og eyðublað til að skrá niður árangur.

Verð á 19.900

Greining:
Fjölvítamín 30 töflur verð í Bónus 2-4000 krónur
Vatnsflaska (með vatni) 200 krónur
Leiðbeiningar, vinna, pappír og blek 100 krónur (hversu flóknar eru þessar leiðbeiningar? skrúið frá krananum, setjið vatn í flöskuna, pillu í munninn og drekkið vatnið)
Málband, hægt að stela í IKEA fínum pappírsmálböndum.
Eyðublað, vinna, pappír og blek 200 krónur
Þetta kostar því um 4.500 krónur, snillingur sem að datt í hug að selja þessa pakka.

Ég er komin með hugmynd, sendið mér 5000 kall í pósti og ekki borða neitt í viku, þá missið þið örugglega fullt af kílóum

Ætla sko að gera þetta til að losna við óléttukílóin, hver vill fá 5000 kallinn?
Kv.
Sigga

...var eitrað fyrir honum.
„Það var eitrað fyrir mér“
Er hann ekki að taka sig full alvarlega greyið kjáninn hann Árni. Það er alveg á tæru að ef það var eitrað fyrir honum þá var það hvorki sannleiks né samviskueitur eins og notuð eru í bíómyndunum. Fyrst stal hann og þáði mútur left, und right og laug sig svo ofan í djúpa holu sem engin kemst upp úr nema spiltir siðferðisbrenglaðir menn sem eiga spilta menn að vinum. Að sjálfsögðu fékk hann sér bara eitt stk uppreisn æru með plati og plotti og situr nú á þingi aftur fyrir sjálfstæðismenn!!!!!!

Dómsmálaráðherra ákvað að verða við beiðni Árna Johnsen um að honum yrði veitt uppreisn æru. Handhafar forsetavalds, Geir H. Haarde forsætisráðherra og Sólveig Pétursdóttir, forseti Alþingis, undirrituðu tillögu Björns Bjarnasonar félaga þeirra um þetta því Ólafur Grís Grímsson, forseti Íslands, var erlendis. Ha ha ha jubbí!!
Uppreisn æru með forsetabréfi þegar forsetin var erlendis er bara snilld og greinilegt að hann iðrast gjörða sinna. Hann hefur því óflekkað mannorð og er kjörgengur til alþingiskosninga.

Auðvitað var eitrað fyrir honum !!!! Hvað gæti það hugsanlega verið annað ??







.................................................................................samviskulaus hálviti.

...jubbí jei