Gróustaðir 2

kem ekki til með að nenna að skrifa nokkurn skapaðan hlut, skelli bara inn myndum öðru hvoru.

Fer ekki að koma tími á að ég nenni að skrifa hér... ætli ég þykist bara ekki hafa haft svona mikið að gera, og svo þegar ég er búina að sitja 4-5 tíma við tölvu í vinnunni þá forðast ég svoleiðis fyribæri þegar ég er heima.
en hvað um það nú er ég næstum hætt að vera á skrifstofunni, hætti yfileitt um 1. apríl og sný mér að búskap þegar Beggi fer að huga að þangslætti.
Gulla fékk flensu og missti röddina í meira en viku, gat bara hvíslað.
Við ákváðum að bruðla og skipta út gamla sjónvarpinu sem er komið eitthvað yfir 20 árin, það var eitthvað svo gráleitt að horfa á það, liturinn ekki alveg góður, fengum okku bara venjulegt sjónvarp (ekki flatskjá né breiðtjald) svo sat maður og upplifði veröldina alveg í nýjum lit, eða þannig.

Við settum löglegu númerin í gemlingana á helginni, mér finnst voða sniðugt að það skuli standa IS (fyrir Ísland) á númerunum, þá fer ekkert á milli mála hvaðan kindin er ef hún villist yfir landamæri... veit ekki alveg hvert þær ættu að fara???

Ágætis öskudagur í dag, sá samt enga öskupoka, ég held að krakkar í dag viti hreinlega ekki hvað eru ökupokar, ég geri það hér með að tillögu minni að það verði skylduverkefni í handavinnu í skólanum að hvert barn saumi í það minnsta einn öskupoka.

þeim sem þola ekki rollur geta hætt að lesa hér.

Fórum á kynningarfund fyrir nýja Fjárvís, þetta gæti orðið ágætt þegar það verður komið í gagnið.
Já Dúddi, við létum telja hjá okkur fósturvísa í fyrsta sinn í fyrra, það kom sér vel fyrir okkur þó svo að þrílembunum hefði fjölgað úr 8-10 í talningunni í eitthvað um 20 í sauðburði og ein geld varð tvílemd, þetta stóðst náttúrlega ekki 100% enda ekki við því að búast.
Við gátum haft einlemburnar sér og þrílemburnar og þá var hægt að venja undir um leið og þær báru og tvær var ég búin að venja undir áður en þær voru bornar, þetta sparaði okkur mikin tíma og það er ekki of mikið af honum á þeim árstíma.

Sól og blíða í dag en frekar kalt.
Það var fósturvísa talning hjá okkur í gærkvöld, gekk bara vel, kláruðum 470 stk. á ca 3.og 1/2 til 4. tímum, með smá kaffihlé í kaffistofunni í fjárhúsunum,( ég held að svona kaffistofa sé með því gáfulegasta sem er hægt að hafa í fjárhúsum, það er afskaplega gott í sauðburði að geta lokað hurðinni þar og þurfa ekki að hlusta á rollurnar.)
Lukka er eitthvað slöpp, eftir að hún var tekin á hús, Beggi er að fara með AB-mjólk til hennar samkv.læknisráði. Mér er sagt að hestar eigi þetta til, að verða svona slappir, annars hef ég ekki nokkurt vit á hestum.

það er búið að spyrja mig nokkurm sinnum útí draumafangara ( veiðara, gildru)ýmsar útgáfur af þýðingunni, ég hef gert hann bara fyrir mig, setti inn mynd í handverkið (nr.11)
www.teachersfirst.com/summer/dreamcather.htm þarna er kennt að gera draumaveiðara.
og www.dreamcathers.org þarna er sagan af fyrsta draumaveiðaranum farið í "the legend" efst á síðunni.