Habemu's Blog

Salam Sejahtera,

Hari, bulan, Taon terus bejalai, piya' mah idop kita.
Miyak jadi tuai, tuai mansang ka' jadi bangkai!
Ya' mah bansa utai ti nday tau' kita tulak.

Age' ku miyak meliya' teh, kami sekulah agi' nulis da batu tulis berupa selembar papan batu tapi daberi gratis ari pemeritah. Dah kelas 2 kelas 3 baru ngaw buko' kusong atau buko tulis jaku' cakap sidak ile' teh tapi alah meli kedire', mayar tukar beras dua tiga mok bah sute' buko'. Nyau dah ya' kelama' eh teh, baru mah tepedak ka mesin tik, ya' pun saja upa meda' utai ti naday katie....... mah!!! Ku nyau kelas 6 SD baru' tapeda' ka utay ya'. Ya'pun naday berani entuneh eh! Cara dapeda' ari jauh ja'!
Nyau tamat SMA baru ninga utay ti nama komputer. ya' pun cuma maca da koran/majalah. Katie upa eh ngenanei mah tau' bada' eh!. Te' ka' meda' utay a' alah keba' angkat ka Amerika nyun!
Nyau kerja sekitar tahun 1984 baru mah tapeda ka utay ya' termasuk komputer jenis PC generasi semaru eh teh. Layar ya agi' birap-birap upa meda' empepat(kunang-kunang). Tapi nday gak nyumongk diri' bah. Bala urank kota waktu ya' pun mayoh ti nday kala' meda komputer, tapi ku urank muwalank nyau mulai kerja ngaw utay ya' walaupun fungsi ya waktu ya' cuma sebatas ngau mulah surat aba spread sheet.

Tuk eh dunya nyau bebale' bah.
Bala kita muwalank nyau mayoh diaw da kuta, mulai ari Puntianak nyun, da Jakarta tu' pun nyau mayoh ga'. Malah udah aday ga' ti da luar negeri nyin.
Meliya' teh agi' ku sekulah baru aday ti jadi menteri sungkit, tapi tu' nyau aday jadi keba dokter, camat, bupati, amang gubernur ga' lah pagi. Perlu da ingat mulai bulan Pebruari 2007 tu' kita malah nyau tau' becakap langsung ab' sida' darumah ngau hand phone.

Meliya' eh teh ngenanei mah ti nike' mobil kedire', saja megai ban mubel pun bedau tentu! Ku aja Puji Tuhanlah termasuk urank muwalank generasi pertama tabeli ka mubel kedire' tahun 1984. Sampai tu' ndai terasa bala anak miyak nyau besai, udah lebih kurang 17 tahun bah ku berenti kerja aba urank, bedagang alat mobil (acessories & sound system). Nday mah tau' sampai kaya upa urank bukay, tapi cukuplah ngau nutup pemakai ngidop dire' da benua urank. Tabeli ga' ka barang-barang Hi-Tech upa ti benung ku ngaw tu'. Malah ku tau' ga' ngerakit kedire' speednya pun nday kalah aba nu' urank bukay bah.

Mumpung bedau gulung tuai ti mansang jadi bangkai! Tu' ku ka' ngemai' bala kita terutama kita' miyak bah! Boh kita nuna' urank bukay ti lebih maju.
Sapa ti meda' utay ti ku tulis tu' aba' tau cakap muwalank, boh mah kita nulis ditu', besame' pikir, ba asah untak.
Kita nulis langit, kita berandau aba' sama diri', entah kita' besemak atau jaouh di tanah muwalank, di kampong, di Jakarta, di luar Indonesia, silahkan......."!
Let's join us in HABEMU BLOG, blok punya urank Muwalank.

h_bannie@yahoo.com