Good or Bad?

Sa buong mundo, maraming mga bata na inabandona o inaabuso ng kanilang mga magulang. Kung sana may isang pulitiko na makaisip gumawa ng batas na mag uutos sa lahat ng mga mamamayan na bawal magkaroon ng anak na di kaya panagutan ang mga magulang. May parusang nararapat sa mga maling desisyon na gagawin. Para maging tuntunin ng bawat tao sa pagtahak nila sa kanilang kinabukasan. Parusa na dapat maging gabay ng bawat tao na isaisip ng mabawasan ang mga batang di tyak ang patutunguhan.
Mga batang walang muwang ngunit kailangan harapin ang buhay base sa nagigisnang kalakaran. Mga batang napipilitang magbanat ng buto para sa mga magulang. Mga batang nawawalan ng gabay dahil sa pag iwan ng mga magulang. Mga batang hinaharap ang tukso ng kapwa bata dahil walang pamilya. Mga batang inaabuso ng mga magulang dahil sa poot ng mga magulang nila na naranasan nilang kalupitan. Mga bagay na paulit ulit na nasa ating sistema na kung tutuusin ay maaring bawasan o mawala kung ang iisipin sana natin ang kinabukasan ng susunod na generasyon.