Like a drifter I was born to walk alone..

hJæja þá er maður kominn heim úr sælunni í kóngsins köbenhavn!

ætla að skella inn smá ferðasögu til að monta mig af yndislegri ferð

fimmtudagur

Byrjaði fimmtudaginn á því að pakka og druslaði svo að ná í leppinn, við kláruðum að sansast og brunuðum svo upp á flugvöll, tjekkuðum okkur inn og fórum svo í fríhöfnina, sem að við vorum btw mjög vonsviknar yfir, þessar nýju breytingar sökka! byrgðum okkur upp af áfengi og sígó fyrir ferðina og héldum út í vél, komumst að því að það sat enginn með okkur í röð svo að við gátum haft það kósý með eitt sæti á milli okkar =) Eftir ljúft flug þar sem að rebekka vældi nánast ekkert vorum við komnar, töskurnar okkar komu strax, sem var met, ég var ekki búin með after-flight sígóið mitt þegar leppurinn mætti með töskurnar okkar. Fórum í taxa upp á gistiheimili og kíktum niðrí bæ á mekkídí! bara aðeins til að læra á strætókerfið og fórum svo bara snemma að sofa =) Kynntumst samt íslensku pari í strætó sem var á sama gistiheimili og við og var að fara heim á föstudagsmorgninum og dóneituðu þau bjórkassa og tópaspela til okkar sem var mjög vel þegið.

föstudagur

Eftir lítinn svefn þá var stefnan tekin fyrst á astor pizza og svo á strikið, sem má segja að beggja þessara staða hafi verið mikið saknar og því endurfundirnir frekar ljúfir. við náðum að versla og versla og versla og versla og versla og versla og versla og fundum svo Liljuna okkar sem hafði verið týnd því að hún var búin að skipta um númer, hún bauð í mega krogerup party á laugardeginum svo að hamingjusamar dömur héldu upp á gistiheimili.Í strætó upp á gistiheimili fann rebekka framtíðar eiginmann sinn hann Mahar og var hann mega svalur með trélím, monní, símanúmer á miða og vin með nefhár sem heitir Achmed, má segja það að eftir þetta ákváðum við að sitja aldrei sitthvoru mgin við ganginn í strætó. Fórum í bað og svoleiðis og gerðum okkur sætar og skelltum okkur svo á djemmið. Vorum ekki alveg að fíla stemminguna sem að var niðrí bæ svo að við skelltum okkur á Hviids Vinhus í nyhavn? og hittum þar Belindu og Sigga og Palla (sem hétu reyndar Rabbi og Aldís) Skemmtum við okkur með þeim þangað til að Belinda hélt heim á leið og héldum við þá áfram með Sigga og Palla meðal annars á Moose, þar sem að við smituðumst af lifrarbólgu C og HIV og náði ég einni að smakka nýja carlsberg hveiti bjórinn... namm namm =) Eftir gott djamm drifum við okkur bara upp á vesterbrogade á macdonalds (uppáhalds macdonaldsinn okkar) og gúffuðum í okkur áður en við héldum heim á leið.

laugardagur

Laugardagurinn var eins og hinir dagarnir tekinn snemma þar sem að við héldum í Fisketorvet. Dagurinn byrjaði unaðslega þar sem að við vorum á Pizza Hut og Mussi húsvörður sat á næsta borði við okkur, þið krogerup píjur vitið hvern við erum að tala um Rasmus sætasta eftir að hafa njósnað mikið um hann og gert óheiðarlegar tilraunir með því að pósa rétt hjá honum svo að hann náðist á mynd fattaði hann hverjar við værum og heilsaði okkur, en því miður var hann með konu sinni og barni svo það urðu ekki mjög ástríðufullir endurfundir. En auðvitað tókst okkur að versla eins og brjálæðingar í fisketorvet þangað til að við drifum okkur á jú auðvitað macdonalds og svo upp á gistiheimili að taka diskóblund því að það var mega partý um kvöldið. Eftir blund og sjæn mættum við í party í húsinu sem að lilja, lea, anna og nynne búa í, en því miður var anna föst í sveitinni hjá foreldrum sínum Þetta hús er án efa með mest brútal stiga sem nokkurn tíman hefur sést og vorum við dauðar eftir að dröslast upp hann með allt búsið okkar. Þegar upp var komið mætti okkur yndislegt fólk, Ragnheiður sæta sem var einmitt í dk á sama tíma og við, Markus, Christian, Lea Trier, Nynne og vinkona hennar og svo auðvitað Liljan okkar =) Við skemmtum okkur konunglega við alls kyns iðju og fórum svo á Vega og svo enduðum ég og Rebekka auðvitað á Macdonalds áður en við fórum heim að sofa.

Sunnudagur

Sunnudagurinn byrjaði ekki mjög vel en það er engin þörf á því að fara út í það. Á endanum drösluðum ég og leppurinn okkur i strætó niðrá christians havn þar sem að lagkagehuset er staðsett, þar sátu Lilja, Nynne og Ragnheiður og biðu eftir okkur og óvænti laumugesturinn Lucia var með þeim =) alveg awesome. Fórum svo í Kristíaniu að skoða fólkið og mannlifið þar og enduðum á því að sitja smá við vatnið þar, en ég og Rebekka ákváðum að halda för okkar á istedgade því ég ætlaði að fá mér nýtt húðflúr, vinkona hennar Nynne var svo yndisleg að teikna það fyrir mig kvöldinu áður. Konan sem húðflúraði mig var yndi, hún átti s.s son með íslenskum manni og ég borgaði fyrir tattúið með smá pening og svo loforði um að kaupa böns af harðfisk handa henni =) Yndisleg kona, og frábært tattú, fékk mér s.s Íris í Arabískum stöfum á hálsinn. En eftir það fórum við bara á makkarann og svo upp á gistiheimili að horfa á dvd.

Mánudagur

Vöknuðum snemma á mánudeginum því að við vorum að fara til Helsingör!! Byrjuðum á því að fara í mollið þar að versla það sem að þurfti og skunduðum svo upp í lestina aftur og fórum til Humlebæk upp í skóla, get ekki líst því hversu yndislegt það var að labba aftur sömu göturnar, heyra sama leiðinlega sjittið í lestinni og að koma aftur upp í skóla var yndi =) hittum 2 kennara og þar á meðal Rikke yndislega tónlistarkennarann okkar og auðvitað svo Simon son hennar, sem er tilvonandi maður minn, þó eftir nokkuð mörg ár því hann er bara 12 ára Eftir skólaheimsóknina fórum við á La Strada en þar borðuðum við að minnsta kosti 2svar i viku þegar við bjuggum úti og var hann mjög feginn að sjá okkur aftur =) Eftir góðann dag skunduðum við aftur til Köben og horfðum á vídjó og kláruðum að pakka .

Þriðjudagur

Þriðjudagurinn byrjaði ógó snemma þar sem að við þurftum að skila herberginu klukkan hálf 11 og ákváðum við að drífa okkur bara niður á hovedbanegården að geyma töskurnar okkar. Kíktum svo yfir á Astor pizza one last time áður en að við fórum í fisketorvet, þar tókst mér auðvitað að versla svo mikið að ég þurfti að kaupa aðra tösku, en það var s.s 3ja auka taskan sem að ég keypti undir allt sem að ég verslaði. Eftir verslunina í Fisketorvet fórum við aftur og leigðum annað hólf undir allt sem að við versluðum þar því að við ætluðum sko að missa okkur á strikinu líka. Eftir að hafa rölt það endilangt ákváðum við að snæða bara og drífa okkur upp á flugvöll og redda tax freeinu og svoleiðis. Mættum snemma að tjekka okkur inn og vorum svo bara að hanga í flugstöðinni með endalausann handfarangur. Versluðum fínerí þar og svoleiðis. Svo auðvitað þurfti flugvélinni að seinka um klst, held að ég hafi aldrei verið jafn pirruð, en við fengum sæti við neyðarútgang og eitt sæti á milli okkar svo að við gátum teygt þvílíkt úr okkur og haft það nice. Svo þegar við komum heim skunduðumst við í tollinn og ég keyrði svo hvalfjörðinn heim eftir stutt stopp á subway, get ekki sagt annað en að hvalfjörðurinn í skítasnjó og læti er ekki uppáhaldsstaðurinn minn.

En allt í allt frábær ferð er alla vega 6 skópörum, 7 töskum 10 kjólum, 3 lítrum af áfengi og guð má vita hverju ríkari eftir þessa ferð.
Var samt alveg unaðslega ljúft að sofa í rúminu mínu eftir allt ferðalagið í gær og ekki jafn unaðslegt að fara í vinnuna í dag

Myndirnar koma eftir helgi, eða þúst, þegar ég nenni ;o