گــرعتي و أنحظر أصحابي و أخوتي شنگــيطيونguraty wa enhathar asshaby wa ikhwanychinguittyoune

أثلت أطلع
.
.
.
.
يقول الجيش ولد محمادو

نفع الضعيف المستقرب

و الجار لكبير الثقيل

و القلظ و مروة لعرب

و بكاو أكفا راص الفيل

زهدة لكبيل يا أللي

ف لقلوب أثقيله

و أمشد كم من رميلة

لعيال و لباس أمع ؤكيل

و أبكات ف القلظ الشيلة

و أبكاو أمعاه يا الجليل

نفع الضعيف المستقرب

................................

تم الحزم ألا مصبور

و أندور أراه يعكب دور

و ذوك الكور و هذوك الكور

و التقاده و التقاده موكف لغرور.

بل أمنين الحزم أتنادا

يرعيهم من كبلة كامور

رعية عتروس الحداده

و هاذي لعلاب أللي تنكاد

أللي تنكاد إلا دون القرد و تملاد

و إجيه بزار أللي هاد

أمفزز من تفرق زينه

طاحو لجراف علا لقراد

ذاك أمحالي فينا بينا

كان أدخلنا بالعكل الواد

و أسوات الخلط فينا

و منحر لحفيره وأكورار

ليعتهم ف الكلب أمتينه
........................ ...............

أمهادي ولد أوجه

أراعي ذوك الطباليات أثنتين

الفوكانيات،و أراعي ذوك

التحتانيات الثنتين.

نعرف كان فم أحسييات و ألا

باط أحسيين أثنين.

آن و أللي بيه الليعات،

طينا فيهم مكعد لثنين.

يوكي يا أربع طباليات ،

و يا أحسيين و يا أثنين