வாழ்க தமிழ்!வளர்க அதன் சிறப்பு!

காலிஃப்ளவர் மஞ்சூரியன்

சைவ உணவில் மஞ்சூரியன் செய்ய முடியாது என்று வருத்தப்பட்டவர்கள் இவ்வாறு சுவையாக உங்களுக்கு விருப்பமான எந்த காய்கறியில் வேண்டுமானாலும் செய்துக்கொள்ளலாம்.

என்ன தேவை?

காலி ஃப்ளவர் - 1
பெரிய வெங்காயம் - 1
இஞ்சி - தேவையான அளவு
பூண்டு - 10 பெரிய பற்கள் ( சின்னதாக நறுக்கிக் கொள்ளுங்கள் )
ஸோயா சாஸ் - ஒரு ஸ்பூன்
அஜினமோட்டோ - தேவையான அளவு
உப்பு - தேவையான அளவு
பச்சை மிளகாய் - 4 + சில்லரி ஒரு தாள்
( சின்னதாக வெட்டி மிக்ஸ் பண்ணி வைத்துக் கொள்ளுங்கள்)
மிளகாய்த் தூள் பசை - ஒரு டேபிள் ஸ்பூன்
சர்க்கரை - அரை டீஸ்பூன்
மக்காச்சோளம் - ஒரு கை
மைதா மாவு - ஒரு கை
முட்டை (அடித்தது) - 1

எப்படி செய்வது?

* காலிஃப்ளவரை முதலில் வேக வைத்துக் கொள்ளுங்கள். அதனுடன் மக்காச்சோள மாவு, மைதா மாவு, முட்டை, உப்பு தடவி எண்ணெயில் போட்டு இரண்டு நிமிடம் பொரியுங்கள்.

* வாணலியில் கொஞ்சம் எண்ணெய்விட்டு வெங்காயம், பூண்டு, இஞ்சியை வதக்குகங்கள்.

* சோயா சாஸ், அஜினமோட்டோ, உப்பு, பச்சை மிளகாய், சில்லரி, மிளகாய்ப் பசை போட்டு லேசாக வதக்கி அரை டம்ளர் தண்ணீர் விட்டுக் கொதிக்கவிடுங்கள்.

* இதில் சர்க்கரையும் கொஞ்சம் மக்காச்சோள மாவும் சேர்த்துக் கிளறுங்கள்.

* இதில் பொரித்தெடுத்த காலிஃப்ளவரை கொட்டுங்கள்.

* இரண்டு நிமிடம் வதக்கி எடுத்து சுடச்சுடப் பரிமாறுங்கள்.


தயிர் இட்லி


தயிர் வடையை விரும்பி சாப்பிடுபவர்கள் இனி தயிர் இட்லியையும் சாப்பிடலாம். இது போல வித்தியாசமாக செய்து சாப்பிட்டால் யாருக்குத் தான் பிடிக்காது.

என்ன தேவை?

இட்லி மாவு - 2 கப்
புளிக்காத புது தயிர் - 3 டீஸ்பூன்
ஓமப்பொடி - 3 டீஸ்பூன்
மிளகாய்த்தூள் - அரை டீஸ்பூன்
சீரகத்தூள் - அரை டீஸ்பூன்
உப்பு - தேவையான அளவு
மல்லித்தழை - சிறிதளவு

அரைக்க:

தேங்காய் துருவல் - 3
பச்சை மிளகாய் - 4
முந்திரிப்பருப்பு - 6

தாளிக்க:

கடுகு - அரை டீஸ்பூன்
பெருங்காயம் - அரை டீஸ்பூன்
எண்ணெய் - 2 டீஸ்பூன்

எப்படி செய்வது?

* மாவைக் கொண்டு சிறு சிறு இட்லிகளாக ஊற்றி வேக வைத்துக்கொள்ளுங்கள்.

* அரைக்க கொடுத்துள்ள பொருட்களை ஒன்றாக அரைத்து தயிருடன் கலந்துகொள்ளுங்கள்.

* அத்துடன் கடுகு, பெருங்காயம் தாளித்து உப்பு சேர்த்து, நன்கு கலந்துகொள்ளுங்கள்.

* பரிமாறும்போது, கிண்ணங்களில் இட்லிகளை வைத்து, கடைந்த தயிரை அதன்மேல் ஊற்றி மல்லித்தழை, ஓமப்பொடி, மிளகாய்தூள், சீரகத்தூள் தூவி பரிமாறலாம். அல்லது வெறும் மல்லித்தழையை மட்டும் தூவியும் பரிமாறலாம்.

* இந்த இட்லிக்கு உப்பு காரம் தூக்கலாக இருந்தால் சுவையாக இருக்கும்.

வியர்வை நாற்றத்தைப் போக்க எளிய வழி
கடுமையான வெயிலின் காரணாமாகவும், அயராது வேலை செய்ய வேண்டிய நிலையினாலும் பலருக்கும் வியர்வை ஏற்படுவது இயல்பு.

ஆனால், இந்த வியர்வையால் ஏற்படும் நாற்றம், அருகில் உள்ளவர்களை முகம் சுழிக்க வைக்கும் என்பதால், அத்தகைய நிலை வராமல் பார்த்துக்கொள்ள வேண்டியது அவசியம்.

குளிக்கும் நீரில் ஓர் எலுமிச்சைப் பழத்திலிருந்து பிழியப்பட்ட சாறை ஊற்ற வேண்டும். அதில், கால் தேக்கரண்டி அளவு உப்பையும் சேர்க்க வேண்டும்.

இந்த நீரில் குளித்து வந்தால், வியர்வை நாற்றம் அறவே நீங்கிவிடும்.


இளநரையைத் தடுக்க எளிய வழி
இளம் வயதிலேயே கேசம் நரைத்துவிடுவது, பலருக்கும் மன ரீதியாகக் கூட இன்னலை ஏற்படுத்தும். இந்த பிரச்சனையில் இருந்து விடுபடுவதற்கு, புதுப்புது ரசாயன மருந்துகளை நாடுவது இயல்பு. இது, சிலருக்கு பக்க விளைவுகளையும் ஏற்படுத்தக்கூடும்.

ஆனால், இயற்கை வைத்திய முறையில் முயற்சி செய்தால் தேவையற்ற எதிர் விளைவுகள் வராது என்பதால், அதை நாடுவது நல்லதே. இளநரையைப் போக்குவதற்கு எளிதான வழி இதோ...

தேவையானவை :

மருதாணி இலை அரைத்த விழுது - ஒரு கப்
ஒரு முழு எலுமிச்சைம்பழச்சாறு
தேங்காய் எண்ணெய் - 2 தேக்கரண்டி
நாட்டு மருந்து கடைகளில் கிடைக்கக் கூடிய 'நெல்லி முல்லி' பொடி - 2 தேக்கரண்டி

செய்ய வேண்டியவை :

மேற்குறிப்பிட்டவற்றை கால் கப் தயிரில் கலந்துகொள்ள வேண்டும்.இந்த கலவையை இரவு முழுவதும் ஒரு பாத்திரத்தில் மூடி வைத்துவிட வேண்டும்.பின்னர், இந்தக் கலவையை காலையில் எழுந்து கேசத்தில் தேய்த்துக்கொள்ள வேண்டும்.அதன்பின், சுமார் ஒன்று முதல் ஒன்றரை மணி நேரம் வரை காயவைத்துவிட்டு, பின்னர் சீயக்காய் தேய்த்து குளிக்க வேண்டும்.

இவ்வாறு, வாரத்திற்கு ஒருநாள் தொடர்ந்து செய்து வந்தால், விரைவில் இளநரை நீங்கிவிடும்.

கண்களின் தளர்ச்சி நீங்க எளிய வழி[/ALIGN]
இரவு நேரப் பணிகளை மேற்கொள்பவர்களும், அதிக நேரம் கண் விழித்து இருப்பவர்களும் சில அவதிக்கு ஆளாவதைத் தவிர்க்க முடியாது.

அத்தகையோருக்கு மிகுந்த இன்னலை ஏற்படுத்துவது, கண்களில் ஏற்படும் தளர்ச்சி. அவ்வாறு கண்களுக்குத் தளர்ச்சி ஏற்படின், அதை நீக்குவதற்கு எளிய வழி உண்டு.

இரண்டு வெள்ளரிக்காய் துண்டுகளை கண்களுக்கு மேல் வைத்து, குறைந்தது பத்து நிமிடங்கள் கண்களை மூடிக்கொள்ள வேண்டும்.

இவ்வாறு செய்தால், கண்களுக்கு ஏற்பட்ட தளர்ச்சி உடனடியாக நீங்கிவிடும்.


உறக்கத்துக்கு உறுதுணைபுரியும் ஆரஞ்சு:-இரவில் உறக்கம் வராமல் தவிப்பவர்களுக்கு இதோ ஓர் எளிய குறிப்பு...

படுக்கைக்குச் செல்வதற்கு முன்பு நூறு மில்லி ஆரஞ்சு பழச்சாறை எடுத்து, அதில் இரண்டு தேக்கரண்டி அளவில் தேன் கலந்து சாப்பிட வேண்டும்.

இதேபோல் ஒருநாள் விட்டு ஒருநாள் தொடர்ந்து கடைப்பிடித்து வந்தால், உறக்கம் வராமல் அவதியுறும் நிலை வராது என்கிறது இயற்கை வைத்தியம்.


இடக்கை பழக்கம் ஏற்பட காரணம் என்ன?நமது மூளை பெருமூளை, சிறுமூளை மற்றும் முகுளம் என மூன்று பகுதிகளை கொண்டுள்ளது. இதில் பெருமூளை இரண்டு அரைக்கோள வடிவில் உள்ளது.

இடதுபக்க அரைக்கோளம் உடலின் வலதுப்பக்க உறுப்புகளையும், வலதுப்பக்க அரைக்கோளம் உடலின் இடப்பக்க உறுப்புகளையும் இயக்குகின்றன.

இதில் பெரும்பாலானோருக்கு இடப்பக்க அரைக்கோளம் சற்று மேலோங்கியதாக இருக்கும். இதனால் அவர்களுக்கு வலப்பக்க உறுப்புகள் சிறப்பாக செயல்படுகின்றன.

ஆனால் ஒரு சிலருக்கு வலப்பக்க அரைக்கோளம் மேலோங்கி செயல்படுவதால் இடது கை பழக்கம் ஏற்படுகிறது.

( தமிழ் ஓசை - களஞ்சியம் இதழில் வெளியான எனது கட்டுரை )
நேர்முகத் தேர்வு குறித்த பயமும், தயக்கமும் படபடப்பும் பெரும்பாலானோரிடம் இருப்பது இயல்பே. சரியான திட்டமிடுதல் மூலம் இந்த தேவையற்ற பதட்டத்தை விலக்கி நேர்முகத் தேர்வுகளில் வெற்றி பெற முடியும்.

நேர்முகத் தேர்வு என்பது குற்றவாளியிடம் வழக்குரைஞர் நடத்தும் விசாரணை அல்ல என்பதை முதலில் நேர்முகத் தேர்வுக்குச் செல்பவர்கள் புரிந்து கொள்ள வேண்டும். தான் அந்தப் பணிக்குத் தகுதியான நபர் என்னும் எண்ணம் நிர்வாகத்துக்கு இருப்பதால் தான் தன்னை அழைத்திருக்கிறார்கள் என்னும் உயர்ந்த சிந்தனை முதலில் உள்ளத்தில் நிலைக்க வேண்டும்.

* முதலில் எந்த பணிக்கான நேர்முகத் தேர்வுக்குச் செல்கிறோம் என்பதைக் குறித்த முழு அறிவு வேண்டும். அந்தப் பணிக்கு தான் தகுதியானவன் தானா, தனக்குப் பிடித்தமான பணிதானா என்பதில் ஒரு தெளிவு நிச்சயம் வேண்டும்.

* அந்தத் தெளிவு கிடைத்துவிட்டால் பின்னர் அந்தப் பணிக்கு என்னென்ன எதிர்பார்ப்புகள் இருக்கும் என்பதைக் குறித்து தகவல் திரட்ட வேண்டும். அந்த எதிர்பார்ப்புகளை ஈடுசெய்யக் கூடிய வகையில் தன்னிடம் தகவல்கள் இருக்கின்றனவா என்பதை ஊர்ஜிதப் படுத்திக் கொள்ள வேண்டும்.

* தன்னம்பிக்கை மிகவும் அவசியம். நேர்முகத் தேர்வில் அமரும்போது சிறு புன்னகையையும், தன்னம்பிக்கையையும் முகத்தில் தவழ விடுங்கள். வேட்டைக்காரனின் முன்னால் மண்டியிடும் பறவை போல் இருக்க வேண்டாம்.

* நேர்முகத் தேர்வுக்கு தேவையான முன்னேற்பாடுகளை செய்தல் அவசியம். குறிப்பாக எப்போது நேர்முகத் தேர்வு, எந்த இடத்தில், யாரைச் சந்திக்க வேண்டும் என்பது போன்ற தகவல்களை முன்கூட்டியே தெரிந்து வைத்திருக்க வேண்டும்.

* மிகவும் முன்கூட்டியே நேர்முகத் தேர்வுக்குச் செல்ல வேண்டாம். பதினைந்து நிமிடங்களுக்கு முன்பாகச் செல்லலாம். சென்ற உடனே நீங்கள் வந்த தகவலை தெரியப்படுத்திவிடுங்கள்.

* நேர்முகத் தேர்வுக்குச் சான்றிதழ்கள் கொண்டு செல்லவேண்டியிருந்தால் அதை முன்கூட்டியே தயாராக எடுத்து வைத்திருங்கள்.

* நேர்முகத் தேர்வுக்குச் செல்லும் நிர்வாகத்தைக் குறித்த சில தகவல்களை இணையம் போன்ற இடங்களிலோ, நண்பர்களிடமோ கேட்டு வைத்துக் கொள்வது நேர்முகத் தேர்வாளரை வசீகரிக்கும்.

* என்னென்ன கேள்விகள் கேட்க வாய்ப்பு இருக்கிறது என்பவற்றைக் குறித்து விழிப்பாய் இருங்கள். குறிப்பாக உங்கள் பயோடேட்டா சொல்லும் தகவல்கள் அனைத்திலும் ஆழமான அறிவு கொண்டிருங்கள்.

* நல்ல தூய்மையான ஆடை தன்னம்பிக்கையைத் தரும். மரியாதையையும் பெற்றுத் தரும். அதை மறக்க வேண்டாம். உணவு மட்டும் சுவையாய் இருந்தால் போதாது, பாத்திரமும் சுத்தமாக இருக்க வேண்டும் என்பதை கவனத்தில் கொள்ளுங்கள்.

* கேட்கும் கேள்விகளுக்கு மட்டும் பதில் சொல்லுங்கள். அதிகப்படியான பேச்சுகள் தவிர்க்க வேண்டும். ஒவ்வொரு கேள்விக்கும் இரண்டு மூன்று நிமிடங்களில் தெளிவாகப் பதில் அளியுங்கள்.

* கேள்விகளைக் கவனமாகக் கேளுங்கள். கேள்வி முடியும் முன்பு பதிலை துவங்க வேண்டாம். கேள்வி கேட்டுக் கொண்டிருக்கும் போதே இடைமறித்துப் பேசுதலும் வேண்டாம்.

* பழைய அலுவலகத்தைக் குறித்து எதிர் கருத்துக்கள் எதையும் சொல்ல வேண்டாம். உற்சாகத்துடன் பேசுங்கள். தன்னம்பிக்கையும் நேர் சிந்தனையும் உங்கள் பேச்சில் தொனிக்கட்டும்.

* ‘உங்களைப் பற்றிச் சொல்லுங்கள்’ எனும் கேள்வி எழுப்பப்பட்டால் தெளிவாக நீங்கள் எதையெல்லாம் உங்கள் பலம் என்று கருதுகிறீர்களோ அவற்றை முன்னிலைப்படுத்திப் பேசுங்கள். இது மிக மிக முக்கியம்.

* ஓரிரு பயோடாடாக்களையும், புகைப்படங்களையும் கையிலேயே வைத்திருங்கள்.

* கண்களில் பார்த்து தைரியமாகப் பேசுவது உங்கள் ஈடுபாட்டைக் காட்டும். எனவே அதையே பின்பற்றுங்கள்.

* உங்கள் பணிநாட்களில் செய்த குறிப்பிடும்படியான சாதனைகள். பெற்ற விருதுகள் இவற்றை தெரியப்படுத்துங்கள்.

* நேர்முகத் தேர்வு என்பது நீங்கள் அந்த வேலைக்குத் தகுதியானவரா என்று பார்ப்பது போலவே, உங்களுக்குத அது தகுதியான வேலை தானா அது என பார்க்கவும் தான். எனவே உங்களுக்குத் தரப்படும் நேரத்தில் உங்கள் கேள்விகளையும் கேளுங்கள்.

* உங்கள் பலவீனங்களை அறிந்து கொள்வது உங்களுடைய பலம், எனவே உங்கள் பலவீனங்களை அறிந்து கொள்ளுங்கள். ஆனால் நீங்கள் செல்லும் வேலைக்கு அந்த பலவீனம் தடையாய் இருக்கும் என அறிந்தால் அதை தெரியப்படுத்தாமல் இருப்பது நலம்.

* நேர்முகத் தேர்வின் முடிவில் ‘நான் இந்த வேலைக்குத் தகுதியானவன் என்று தோன்றுகிறதா ?’ என கேளுங்கள். அது உங்களுக்குப் பலன் தரும். எதிர்மறையான விமர்சனங்கள் கிடைத்தால் வாதத்தில் ஈடுபடாமல் சுருக்கமாக பதிலளியுங்கள். உங்களிடம் இல்லாத திறமையை ஒத்துக் கொண்டு அதை விரைவில் பெறுவேன் என நம்பிக்கை தாருங்கள்.

* உங்கள் குணாதியங்கள் நல்லவை என உங்கள் நடவடிக்கைகள் மூலம் தெரியப்படுத்துங்கள். தேவையற்ற எரிச்சல், கோபம், படபடப்பு போன்றவற்றை வெளிக்காட்ட வேண்டாம்.

* முந்தைய வேலையை ஏன் விட்டீர்கள் எனும் கேள்வி நிச்சயம் எழும், அப்படிப்பட்ட சூழலில் என்ன பதில் சொல்லவேண்டும் என்பதை மிகவும் எச்சரிக்கையுடன் தயாரித்து வையுங்கள். இருபுறமும் கூர்மையான வாளைக் கையாளும் கவனம் தேவை. பழைய நிர்வாகத்தைப் பழிக்காமல், புதிய நிர்வாகத்துக்கு திருப்தியும், நம்பிக்கையும் ஏற்படும் வகையில் உங்கள் பதில் அமைய வேண்டியது அவசியம்.

* பணிகளுக்கு இடையேயோ, அல்லது படிப்பிற்கும் வேலைக்கும் இடையே இடைவெளி இருந்தால் அதற்கான காரணத்தை சொல்ல வேண்டி வரலாம் என்பதைக் கவனத்தில் கொள்ளுங்கள்.

* உங்கள் பணி என்னவாய் இருக்கும் என்பதையும், அதன் முக்கியத்துவங்களையும் உங்களுக்குத்தரப்படும் நேரத்தில் கேளுங்கள்.

* உங்களுக்குத் தெரியாத தொழில்நுட்பத்தில் கேள்வி கேட்கப்பட்டால், அதே போன்ற வேறு தொழில்நுட்பங்கள் தெரிந்தால் அதைக் கூறி விரைவில் இந்த தொழில் நுட்பத்தை கற்றுக் கொள்ள முடியும் என நம்பிக்கையூட்டுங்கள்.

* நேர்முகத் தேர்வு என்பது உங்களை மதிப்பிடும் இடம். இந்த இடத்தில் நீங்கள் தவிர்க்க முடியாத நபர் எனும் தோற்றத்தை உருவாக்கினால் உங்களுக்கு நல்ல சம்பளமும் கிடைக்க வாய்ப்பு உண்டு.

* நேர்மையாகவும், உண்மையாகவும் பதிலளியுங்கள். வேலை என்பது லாட்டரி சீட்டல்ல ஒரு நீண்ட கால பந்தம் போல. தவறான தகவல்களை அளித்துவிட்டு பணியில் சேர்ந்தால் அது பிரச்சனைகளைச் சம்பாதித்துத் தரலாம்.

இவற்றைக் கவனத்தில் கொண்டால் நேர்முகத் தேர்வுகள் உங்களுக்கு தோழனாக மாறிவிடும். கவனமுடன் செயல்பட்டு வாழ்வில் உயருங்கள்.