The Light of Dharma

ເນື້ອຄູ່ ຕາມພົດຈະນານຸກົມຣາຊບັນດິດ(ພົດຈະນານຸກົມໄທ) ອະທິບາຍໄວ້ວ່າ
" ຊາຍແລະຍິງທີ່ຖືກັນວ່າ ໄດ້ເຄີຍຄອງຄູ່ກັນມາແຕ່ປາງກ່ອນ ຊາຍແລະຍິງທີ່ເໝາະສົມເປັນຄູ່ຄອງກັນ

ໂດຍສວ່ນໃຫຍ່ ຊີວິດຄູ່ມັກເລີ່ມຕົ້ນດວ້ຍດີ ມີທັງຄວາມຮັກ ຄວາມສຸຂ ຊວ່ຍກັນປະຄັບປະຄອງຊີວິດຄູ່ດວ້ຍຄວາມພໍໃຈຂອງທັງສອງຝ່າຍ ຫຼາຍຄົນມີຊີວິດຄູ່ທີ່ລາບລື້ນໄປຕະຫຼອດລອດຝັ່ງ ແຕ່ມີບໍ່ໜ້ອຍທີ່ລົ້ມເຫຼວ ບາງຄູ່ຕ້ອງຢ່າຮ້າງກັນ ບາງຄູ່ເຖິງແມ່ນວ່າຢູ່ດວ້ຍກັ້້ນ ແຕ່ຄວາມຮັກ ຄວາມສຸກທີ່ເຄີຍໃຫ້ແກ່ກັນບໍ່ເຫຼືອແມ້ແຕ່ນ້ອຍກໍຕ້ອງທົນຢູ່ດວ້ຍກັນຢ່າງເປັນທຸກ.

ການໃຊ້ຊີວິດຮວ່ມກັນຂອງສາມີພັນລະຍາຫຼາຍໆຄູ່ ຫາກພິຈາລະນາເຖິງການປະຕິບັດຕໍ່ກັນທັງແງ່ກາຍະກັມ ວະຈີກັມ ແລະມະໂນກັມ ຈະພົບວ່າ ທາງກາຍະກັມໝາຍເຖິງການກິນນຳກັນ ນອນນຳກັນ ມີລູກນຳກັນ ເຮັດວຽກຮວ່ມກັນ ໄປໃສມາໃສນຳກັນ ຖ້າເບິ່ງຈາກພາຍນອກ ເບິ່ງຄືວ່າເປັນຄູ່ທີ່ມີຄວາມສຸກ ຮັກໄຄ່ປອງດອງກັນດີ ຈົນຫຼາຍໆຄົນ ອາດຈະຮູ້ສຶກອິດສາ ແຕ່ສຳຫຼັບເຈົ້າຕົວຈິງໆແລ້ວ ການປະຕິບັດຕໍ່ກັນໃນທາງວະຈີກັມ ມະໂນກັມ ມີແຕ່ຜິດຖ້ອຍຫ້ອຍຄວາມກັນ ຮ້າຍກັນ ນ້ອຍໃຈ ເຈັບໃຈ ມີແຕ່ຄວາມທຸກຂ໌ ບໍ່ມີຄຳວ່າ ສຸຂ ແຕ່ບໍ່ອາດປ່ຽນແປງແກ້ໄຂອັນໃດໄດ້ ກໍຍັງຕ້ອງອົດທົນຢູ່ດວ້ຍກັນ ເພາະຄວາມຈຳເປັນທາງສັງຄົມ ຫຼື ເພາະເຫັນແກ່ຕົວ.

ຊີວິດຄູ່ ທີ່ເປັນເນື້ອຄູ່ກັນປະເພດນີ້ ກໍມີຫຼາຍ ຄືຊາດນີ້ ແມ່ນຈະມີຄວາມຜູກພັນກັນທາງກາຍະກັມ ແຕ່ທາງວະຈີກັມ ແລະມະໂນກັມ ກັບເປັນການສ້າງຄວາມສຳພັນທີ່ບໍ່ດີແກ່ກັນ ຈິ່່ງເບິ່ງຄືວ່າ ທາງກາຍະກັມນັ້ນຮັກກັນ ໂດຍທີ່ຄວາມເປັນຈິງແລ້ວ ຕ່າງຝ່າຍຕ່າງບໍ່ມີຄວາມຮູ້ສຶກຮັກກັນເລີຍແຕ່ໃນສະຖານະພາບທາງສັງຄົມທີ່ເປັນສາມີພັນລະຍາກັນ ຕ້ອງຢູ່ຮວ່ມບ້ານດຽວກັນ ຈະເດີນທາງໄປໃສ ກໍຍັງຕ້ອງຮວ່ມລົດຄັນດຽວກັນເປັນຄອບຄົວ.


ສາມີພັນລະຍາທີ່ມີບັນຫາແບບນີ້ ບາງຄັ້ງ ຕ່າງຄົນຕ່າງຕັ້ງຈິຕ ອະທິດຖານວ່າ ຊາດໜ້າຢ່າໄດ້ພົບກັນອີກ ຂໍພໍ້ກັນແຕ່ຊາດນີ້ເປັນຊາດສຸດທ້າຍ ແຕ່ດວ້ຍອຸປາທານຍຶດໝັ້ນຖືໝັ້ນ ບໍ່ວ່າຈະຮັກກັນຫຼືຊັງກັນກໍຕາມ ບໍ່ວ່າຈະດວ້ຍຄວາມພໍໃຈຫຼືບໍ່ພໍໃຈຕໍ່ກັນຢ່າງໃດ ໃນທາງມະໂນກັມ ຄືຄວາມຮູ້ສຶກນຶກຄິດທີ່ມີຕໍ່ກັນ ຈະເປັນການດຶງເຂົ້າຫາກັນຢູ່ຕລອດ ບໍ່ປ່ອຍວາງຈາກກັນ ດັ່ງນັ້ນ ຈິ່ງເປັນໄປໄດ້ຢ່າງສູງ ບຸກຄົນທັງສອງ ເມື່ອຕ່າງຄົນຕ່າງຕາຍຈາກກັນໃນຊາດນີ້ ຖ້າຊາດໜ້າເກີດມາ ໃຫຍ່ເປັນບ່າວເປັນສາວ ໄດ້ພົບກັນເມື່ອໃດ ກໍເກີດອາລົມຮັກກັນຢ່າງຮຸນແຮງ ມີຄວາມດີໃຈພໍໃຈທີ່ໄດ້ພໍ້ກັນ ເພາະທາງກາຍະກັມໃນອະດີດຊາດນັ້ນ ເຄີຍໃກ້ຊິດກັນ ໃຊ້ຊີວິດຮວ່ມກັນມາ ເກີດມາໃນຊາດໃໝ່ ຈິ່ງເປັນເນື້ອຄູ່ກັນອີກ ທີ່ເຄີຍທຸກຂ໌ ຢາກຮ້າຍໃຫ້ກັນກໍລືມໄປ ແຕ່ຄົງຕ້ອງເອີ້ນວ່າ ເປັນເນື້ອຄູ່ທຽມ ເພາະເປັນເນື້ອຄູ່ທີ່ເປັນຜົນຂອງກັມເກົ່າ ຄືກາຍະກັມ ວະຈີກັມແລະມະໂນກັມທີ່ເຄີຍສ້າງຮວ່ມກັນມາ ບາງຄັ້ງກໍເຮັດດີຕໍ່ກັນ ບາງຄັ້ງກໍຜິດຖຽງກັນ ບາງຄັ້ງກໍກຽດຊັງກັນ ເປັນຄວາມຮັກທີ່ຫາຄວາມສຸຂແທ້ຈິງບໍ່ໄດ້ ເພາະບໍ່ແມ່ນເນື້ອຄູ່ແທ້ທີ່ຄອງຄູ່ກັນດວ້ຍຄວາມຮັກຄວາມເມຕຕາ.

ດັ່ງນັ້ນ ເມື່ອຕ້ອງໃຊ້ຊີວິດຄູ່ຢູ່ດວ້ຍກັນໃນຊາດນີ້ແລ້ວ ສາມີພັນລະຍາຈິ່ງຄວນສ້າງກັມທີ່ດີຕໍ່ກັນ ທັງກາຍະກັມ ວະຈີກັມ ແລະມະໂນກັມ ເຖິງແມ່ນວ່າຈະມີບັນຫາເກີດຂື້ນ ກໍຄວນຮູ້ຈັກອົດທົນ ປ່ອຍວາງ ໃຫ້ອະໄພຕໍ່ກັນ ຖ້າເຮັດໄດ້ກໍຈະເປັນອະນິສົງໃຫ້ມີຄວາມສຸຂ ທັງໃນຊາດນີ້ແລະຊາດໜ້າ.

...............
ແປຕໍ່ຈາກບົດກ່ອນ ສາຍເຫດທີ່ແປຍ້ອນເຫັນວ່າເພິ່ນຂຽນໄວ້ດີແລ້ວ ຖ້າຈະຂຽນເອງກໍໄດ້ ແຕ່ຢາກປະຫຍັດເວລາ

ຄວາມຮັກຂອງພໍ່ແມ່ທີ່ມີຕໍ່ລູກຄວນພໍເໝາະພໍດີ ບາງຄັ້ງຄວາມຮັກຄວາມຫວ່ງໄຍທີ່ຫຼາຍເກີນໄປ ເຮັດໃຫ້ລູກອຶດອັດ ຄັບຂ້ອງໃຈກໍມີຫຼາຍ ຢ່າລືມວ່າ ຄວາມຮູ້ສຶກຂອງລູກເປັນສິ່ງສຳຄັນ.

ເມື່ອຄັ້ງທີ່ອາຈານໄປສະແຫວງບຸນທີ່ອິນເດຍ ມີຢູ່ວັນໜຶ່ງ ພັກທີ່ໂຮງແຮມໃນນິວເດລີ ມີໜຸ່ມຊາວໄຕ້ຫວັນຄົນໜຶ່ງ ເມື່ອເຫັນພຣະກໍຮີບເຂົ້າມາຫາ ຍາກທີ່ຈະລະບາຍຄວາມອຶດອັດໃຈ ເຂົາແນະນຳຕົວກັບອາຈານວ່າ ເຂົາເປັນລູກຊາຍຄົນດຽວຂອງພໍ່ແມ່ ເຊິ່ງເປັນຄອບຄົວຄົນຈີນ ເຮັດທຸລະກິດການຄ້າໃນປະເທດໄຕ້ໄຫວ ມີຖານະດີຫຼາຍ ແຕ່ເຂົາຢາກຈະຂ້າຕົວຕາຍ ເພາະພໍ່ແມ່ຮັກເຂົາຫຼາຍ ຈົນຮູ້ສຶກອຶດອັດ ຂາດອິດສະຫຼະ ບໍ່ມີຄວາມສຸກ ເຂົາເຫຼົ່າວ່າ ພໍ່ແມ່ຈູ້ຈີ້ຈຸກຈິກ ດູແລເຂົາ ໃກ້ຊິດສ່ຳກັບວ່າເຂົາເປັນລູກສາວທີ່ຍັງນ້ອຍ ທັງໆທີ່ເຂົາອາຍຸໄດ້ ໒໗ ປີແລ້ວ ເຂົາບໍ່ເຄີຍມີອິດສະຫຼະເໝືອນເພື່ອນໆເລີຍ ຖ້າຄວາມຮັກຂອງພໍ່ແມ່ ເຮັດໃຫ້ເຂົາເປັນແບບນີ້ ເຂົາຂໍຕາຍດີກວ່າ.

ຄວາມຮັກທີ່ມີອຸປະທານຢຶດໝັ້ນຖືໝັ້ນ ຈົນກາຍເປັນການເຂົ້າໄປຄອບຄອງເປັນເຈົ້າຊີວິດຂອງລູກ ກຳນົດເສັ້ນທາງໃຫ້ລູກ ຈິ່ງເປັນໂທດຫຼາຍ ການລ້ຽງດູລູກ ຈິ່ງເປັນໂທດຫຼາຍ ການລ້ຽງດູລູກ ຕ້ອງເອົາໃຈເຂົາມາໃສ່ໃຈເຮົາ ພະຍາຍາມເຂົ້າໃຈຄວາມຮູ້ສຶກຂອງເຂົາ ຮຽນຮູ້ ແລະເຂົ້າໃຈທຳມະຊາດຂອງເດັກນ້ອຍ ພະຍາຍາມໃຫ້ລູກເຊິ່ງເປັນຝ່າຍໄດ້ຮັບຄວາມຮັກຈາກເຮົາ ເກີດຄວາມຮູ້ສຶກອົບອຸ່ນ ໝັ້ນຄົງທາງອາລົມ ຮູ້ຈັກຜິດຖືກ ຊົ່ວດີ ແລະພັດທະນາຊີວິດຂອງເຂົາໃຫ້ໝັ້ນຢູ່ໃນສີນ ໕ ໄດ້ ເອີ້ນວ່າມີຈິດໃຈສົມບູນ.

ທີ່ປະເທດຍີ່ປຸ່ນ ເຄີຍມີລັດຖະມົນຕີທ່ານໜຶ່ງ ໃຫ້ສຳພາດວ່າ ຕົນເອງເມື່ອສະໄໝເປັນເດັກນ້ອຍ ມີນິໄສຂີ້ດື້ ຫົວແຂງ ແຕ່ດວ້ຍຄວາມໝັກແໜ້ນໝັ້ນຄົງຂອງແມ່ແລະຄູ ທີ່ລ້ຽງດູແລະອົບຮົມເຂົາດວ້ຍຄວາມຮັກຄວາມເຂົ້າໃຈ ເຮັດໃຫ້ເຂົາພັດທະນາຂື້ນ ຈົນສາມາດປ່ຽນນິໄສໄດ້ ເຂົາຈິ່ງເຕີບໂຕຂື້ນເປັນຜູ້ໃຫຍ່ທີ່ມີຄຸນນະພາບ ປະສົບຄວາມສຳເລັດໃນການງານ ຈົນມີໂອກາດເຮັດວຽກຮັບໃຊ້ປະເທດຊາດໃນຖະນະຂອງລັດຖະມົນຕີ.

ແປຈາກ: ສາຣະສຳຄັນແຫ່ງຊີວິດ ຄືຮັກແລະເມຕຕາ ໂດຍ ພຣະອາຈາຣຍ໌ ມິຕຊູໂອະ ຄະເວສະໂກ

ຊີວິດຄືຄວາມຮັກ
ຊີວິດທີ່ປາດສະຈາກຄວາມຮັກ ບໍ່ແມ່ນຊີວິດ
ຄວາມຮັກຄືອາຫານໃຈ
ຄວາມຮັກສ້າງຊີວິດ
ຄວາມຮັກຫຼໍ່ລ້ຽງຈິດໃຈມະນຸດ

ພຣະພຸດທະອົງກ່າວໄວ້ວ່າ:

ສັດທັງຫຼາຍທີ່ເຮົາພົບເຫັນ ໂດຍສະເພາະມະນຸດດວ້ຍກັນ ເຊິ່ງເກີດມາພົບກັນໃນຊາດນີ້ ທີ່ບໍ່ເຄີຍເປັນພໍ່ເປັນພໍ່ແມ່ ຍາດພີ່ນ້ອງກັນໃນວັດຕະສົງສານນັ້ນຫາຍາກ ໃນວັດຕະສົງສານອັນຍາວນານ ໃນອະດີດ ປັດຈຸບັນ ແລະອະນາຄົດ ທຸກຄົນເປັນຄອບຄົວດຽວກັນ. ດັ່ງນັ້ນ,ໃນການດຳເນີນຊີວິດ ເຮົາຈິ່ງບໍ່ຄວນປະໝາດ ສ້າງສັດຕູ ແບ່ງພັກ ແບ່ງພວກ ແກ່ງແຍ້ງ ຊິງດີ ຊິງເດັ່ນກັນ ແຕ່ຄວນຈະສ້າງສຳພັນທີ່ດີຕໍ່ເພື່ອນມະນຸດດວ້ຍກັນ ແລະມີຄວາມເມດຕາກະຣຸນາຕໍ່ສັດທັງຫຼາຍ ໂດຍສະເພາະເມື່ອເກີດມາໃນຄອບຄົວດຽວກັນ ເຮົາຄວນມີຄວາມຮັກ ຄວາມເມດຕາ ກະຣຸນາຕໍ່ກັນ ຊວ່ຍເຫຼືອເກື້ອກູນກັນ ແລະພັດທະນາຊີວິດໃຫ້ມີຄວາມສຸກ. ຊີວິດຄົນເຮົາໃນຊາດໜຶ່ງ ຕ່າງມຸ້ງສະແຫວງຫາຫຼາຍສິ່ງຫຼາຍຢ່າງ ທັງຊັບສົມບັດ ກຽດຕິຍົດ ຊື່ສຽງ ຯ ແຕ່ໃນທີ່ສຸດ ສິ່ງທີ່ມີຄຸນຄ່າຫຼາຍທີ່ສຸດໃນຊີວິດນັ້ນຄືຄວາມຮັກ.

ຄວາມຮັກທີ່ໝາຍເຖິງຄວາມປາດຖະໜາດີ ເອື້ອອາທອນຕໍ່ກັນ ຍອມຮັບໄດ້ທຸກສິ່ງທຸກຢ່າງໃນຄວາມເປັນເຂົາ ຮັກຢ່າງບໍ່ມີເງື່ອນໄຂ ເປັນມິດຕະພາບທີ່ຢັ້ງຍືນ ເປັນຄວາມຮັກທີ່ມີແຕ່ໃຫ້ ໃຫ້ດວ້ຍຄວາມພໍໃຈ ສຸກໃຈ ຊີວິດທີ່ມີຄວາມຮັກເຊັ່ນນີ້ ຍ່ອມອົບອຸ່ນໃຈ ສະບາຍໃຈ ເຖິງແມ້ວ່າຕາຍ ການຕາຍດວ້ຍຄວາມສະບາຍໃຈ ກໍໄປສູ່ສຸຄະຕິ.

ແປຈາກ: ສາຣະສຳຄັນແຫ່ງຊີວິດ ຄືຮັກແລະເມຕຕາ ໂດຍ ພຣະອາຈາຣຍ໌ ມິຕຊູໂອະ ຄະເວສະໂກ

ນິວຢອກ, ສະຫະລັດອາເມຣິກາ- ບັນດານັກວິທະຍາສາດໄດ້ລວບລວມເອກະສານຫລັກຖານເອົາໄວ້ວ່າ ກະທູບເປັນອັນຕະລາຍຕໍ່ສຸຂະພາບຂອງມະນຸດ. ກະທູບໄດ້ຮັບຄວາມນິຍົມໃຊ້ຫລາຍໃນບັນດາປະເທດເອເຊຍ. ໂດຍສະເພາະເປັນທີ່ຮູ້ຈັກກັນດີໃນສາສນາພຸດ ແລະສາສນາເຕົ໋າ ທີ່ຈະຕ້ອງຈູດທູບເປັນປະຈຳທຸກວັນ.

ໃນປະເທດສະຫະລັດ, ກະທູບສວ່ນໃຫຍ່ຈະຂາຍຢູ່ຕາມຮ້ານຂາຍອາຫານເພື່ອສຸຂະພາບ ແລະໃຊ້ເພື່ອຈຸດປະສົງທາງສາສນາ ຫລື ໃຊ້ເພື່ອປັບໃຫ້ຫ້ອງຫອມ. ແຕ່ເຖິງຢ່າງໃດກໍຕາມ ອີງຕາມນັກວິທະຍາສາດ ມັນກໍເປັນອັນຕະລາຍຕໍ່ສຸຂະພາບ.


ລິນ ພ້ອມດວ້ຍເພື່ອນຮວ່ມງານ, ນັກວິໄຈທີ່ສຶກສາຄົ້ນຄ້ວາກ່ຽວກັບກະທູບ, ໄດ້ກ່າວວ່າ “ ສວ່ນປະກອບປົກກະຕິຂອງກະທູບ ໂດຍນ້ຳໜັກ ປະກອບມີຢາສະໝຸນໄພ ແລະຜົງຈາກໄມ້ ໓໕ ສວ່ນຮ້ອຍຂອງຈະນວນສານນ້ຳຫອມ, ໑໑ ສວ່ນຮ້ອຍແມ່ນແປ້ງກາວ, ແລະ ໓໓ ສວ່ນຮ້ອຍແມ່ນໄມ້ໃຜ່.

Read more...

ການຝຶກສະມາທິ ເປັນຜົນດີຕໍ່ສຸຂະພາບກາຍແລະໃຈ. ສະມາທິ ສາມາດເຮັດໃຫ້ໂລກຄວາມຄຽດຫລຸດລົງ ລວມທັງໂຣຄພູມແພ້ຕ່າງໆ, ໂຣຄຂໍ້ຕໍ່ອັກເສບ, ມະເລງ, ໂຣຄຫົວໃຈ, ໂຣຄຄວາມດັນ ແລະ ໂຣຄຊືມເສົ້າ. ການຝຶກສະມາທິຢ່າງຕໍ່ເນື່ອງແລະຖືກວິທີ ຈະສາມາດຫລຸດຜ່ອນໂຫໂມນທີ່ກໍ່ໃຫ້ເກີດອາລົມຕຶງຄຽດ.

Anyone who can read English click below

Read more...