ماہنامہ ’’تعمیر ادب ‘‘لیہ Monthly Tameer-e-Adab Layyah

لیہ (سٹاف رپورٹر) چیف ایڈیٹر و کالم نگار عبداللہ نظامی نے اپنے اخباری بیان میں کہا ہے کہ حکومت اپنی سرپرستی میں فوری طور پر بچوں کے ادب کے فروغ کے لئے عملی اقدامات اٹھائے ۔ انہوں نے کہا کہ پاکستان میں بچوں کا ادب کے فروغ کے لئے حکومتی سطح پر نیشنل بک فاؤنڈیشن و دیگر اداروں جن میں شعبہ بچوں کا ادب دعوۃ اکیڈمی کے ذریعے کام کیا جارہا ہے لیکن گذشتہ چند برسوں سے نیشنل بک فاؤنڈیشن کے فنڈز میں کمی بلکہ فنڈز کی فراہمی کو ختم کرنے سے بچوں کے ادب پر منفی اثرات مرتب ہورہے ہیں ۔ انہوں نے اپنی مدد آپ کے تحت چلنے والے اداروں جن میں ادارہ تحقیق اطفال لاہور اور گائیڈ کی کوششوں کو سراہتے ہوئے کہا کہ یہ ادارے ملک میں بچوں کے ادب کے فروغ کے لئے ہمہ وقت کوشاں ہیں حکومت ا ن اداروں کی اگر سرپرستی کرے تو یہ ادارے ملک کے بڑے انسٹی ٹیوٹ بن سکتے ہیں ۔ مزید انہوں نے کہا کہ حکومت کو چاہیے کہ ٹھوس بنیادوں پر بچوں کے ادب کے فروغ کی پالیسی بنائے اور پالیسی بناتے وقت بچوں کے ادیبوں کی رائے کو بھی شامل کیاجائے ۔

ماہنامہ ’’ساتھی ‘‘کراچی ما ہ اگست میں تعمیر پاکستان نمبر شائع کرے گا
کراچی (اعظم کوہستانی سے ) شمعون قیصر کی زیر ادارت شائع ہونے والا بچوں کا ماہنامہ ’’ساتھی ‘‘ ماہ اگست میں تعمیر پاکستان نمبر شائع کرے گا ۔ جس میں ملک معروف ناول نگار اشتیاق احمد کا ناول اور دیگر بچوں کے ادیبوں کی تحریریں شائع کی جائیں گی ۔