ພຣະສາຣີຣິກະທາດທີ່ໄດ້ມາ
Saturday, 31. January 2009, 12:40:26
ສາຍເຊລຳເພົາ
ສອງຮູບຂ້າງເທິງນັ້ນ ເປັນຂອງຂຽນເອງ ເຂົ້າໃຈວ່າເປັນສາຣີຣິກະທາດ ເນື່ອງຈາກວ່າມີຜູ້ນຳເອົາມາໃຫ້ ພ້ອມກັບພຣະພຸດທະຮູບ ໓ ອົງ
ສ່ວນລຸ່ມນີ້ ແມ່ນຮູບອ້າງອິງ ແລະສົມທຽບກັບຮູບຂ້າງເທິງ.
ພຣະບໍຣົມມະສາຣີຣິກະທາດ, ພຣະສາວົກທາດ ແລະພຣະທາດທີ່ເຂົາພົບໃນສະຖານທີ່ຕ່າງ ເບິ່ງໄດ້ໃນເວບນີ້.
http://www.relicsofbuddha.com/page8.htm
http://www.pratatlanna.com/index.php?lay=show&ac=article&Id=179530&Ntype=4
ຄວາມເປັນມາຂອງວັດຖຸທີ່ຄາດວ່າເປັນພຣະສາຣີຣິກະທາດ
- ວັນສົມໂພດພຣະພຸດທະຮູບທີ່ວັດ(.....) ຄືວັນທີ ໑໐ ມັງກອນ ໒໐໐໙, ເວລາປະມານ ໑໐ ກວ່າ ໒ ຜົວເມັຍຊາວລາວ ທີ່ໄປອາໄສຢູ່ອາເມຣິກາ ໄດ້ມາຮ່ວມສົມໂພດທີ່ວັດແຫ່ງນີ້.
- ເຂົາບອກວ່າ ວັນທີ ໙ ນັ້ນ ເຂົາໄດ້ໄປຕັກບາດທີ່ວັດພຣະບາດໂພນສັນ, ພໍດີຕົກຕອນແລງຂອງວັນທີ ໙ ເຂົາໄດ້ໄປຢາມບ້ານພີ່ນ້ອງເຂົາ ເຂົາທັສອງໄດ້ຮູ້ຈາກພີ່ນ້ອງເຂົາວ່າ ຈະມີການສົມໂພດພຣະພຸດທະຮູບທີ່ວັດແຫ່ງນີ້, ທັງສອງຜົວເມັຍຈຶ່ງໄດ້ຕົກລົງກັນວ່າຈະຢູ່ຮ່ວມສົມໂພດທີ່ວັດນີ້ ແຕ່ເຂົາຈະຕ້ອງໄດ້ກັບອິນເດັຍ ເພື່ອຈະໄປຮ່ວມບຸນທີ່ອິນເດັຍ ໃນເຊົ້າວັນທີ ໑໐ ວັນນັ້ນ, ເຂົາຈຶ່ງກັບບ້ານທີ່ພັກ ແລ້ວກໍໄຫວ້ພຣະຕາມກິດຈະວັດທີ່ເຂົາເຄີຍທຳ ໃນຂະນະທີ່ໄຫວ້ພຣະນັ້ນ ເຂົາອະທິຖານວ່າ "ຂໍໃຫ້ໄດ້ຢູ່ຮ່ວມສົມໂພດພຣະ ທີ່ວັດນີ້ ພ້ອມນັ້ນເຂົາກໍໄດ້ອະທີຖານກັບໃບໂພທີ່ເຂົາໄດ້ມາຈາກຕົ້ນໂພ ທີ່ຕັດສະຮູບຂອງພຣະພຸດທະເຈົ້າປະເທດອິນເດັຍນັ້ນ, ເຂົາປາຖະໜາວ່າ ຂໍໃຫ້ໄປງົດທ້ຽວບິນນີ້ໃຫ້ໄດ້" ພໍດີຕື່ນເຊົ້າມາເຂົາກໍກຽມເຄື່ອງອອກຈກາບ້ານ ໄປຍັງບໍຣິສັດການບິນ ຂໍງົດບິນທາງການບິນກໍຕົກລົງງົດບິນໃຫ້ເຂົາ, ເຂົາກໍດີໃຈ ເຂົານຶກວ່າອິດທິຣິດປາຕິຫານ ຈາກໃບໂພນັ້ນ ເຂົາທັງສອງຈຶ່ງໄດ້ມາສົມໂພດທີ່ວັດນີ້ສົມໃຈ.
- ໃນຂະນະທີ່ພັກສູດຄັ້ງທີ ໓ ເຂົາທັງສອງຈຶ່ງໄດ້ເອົາໃບໂພ ແລະເມັດເຂົ້າເຈັດເມັດມາມອບໃຫ້ອາຕະມາ ໃຫ້ອາຕະມາປ່ອນໄວ້ໃນອົງພຣະ, ຜູ້ຂຽນກໍຮັບໄວ້.
- ຕໍ່ມາວັນທີ ໑໕ ມີຍິງຄົນໜຶ່ງອິກໄດ້ເອົາປັດໄຈ ແຜ່ນທອງທີ່ຂຽນຊື່ເຈົ້າພາບຫຼາຍແຜ່ນ ພ້ອມກັບໃບໂພທີ່ບອກວ່າໄດ້ມາຈາກອິນເດັຍອີກ ໃບເທົ່າກັນກັບທີ່ໄດ້ຈາກສອງຜົວ ເມັຍນັ້ນ, ໃນນັ້ນຍິງຄົນນີ້ຍັງບອກວ່າ ໃນຫໍ່ນັ້ນຍັງມີພຣະສາຣີຣິກະທາດອີກ ພຣະອົງໜຶ່ງເອົາໃດ ແຕ່ເມື່ອຜູ້ຂຽນເບິ່ງແລ້ວຄ້າຍຫີນ ຈຶ່ງໄດ້ຖ່າຍຮູບໄວ້ແລ້ວປ່ອນລົງພຣະທອງ, ຮູບສາຣີຣິກະທາດທີ່ຍິງຄົນນັ້ນນຳມາໃຫ້ນັ້ນ ສີແດງຄ້າຍຫີນ.
- ຕໍ່ມາວັນຄືວັນທີ ໒໓ ມັງກອນ ໒໐໐໙ ຜູ້ຂຽນຝັນເຫັນພຣະສົງຫຼາຍອົງ ແລະພຣະສົງເຫຼົ່ານັ້ນໄດ້ເອົາຂອງໃຫ້ຜູ້ຂຽນ, ເວລາປະມານ ໙ ໂມງ ມີໂທຣະສັບມາຈາກບໍຣິສັດໜຶ່ງ ບອກວ່າ "ຈະເອົາພຣະມາຖວາຍ" ນັດເປັນເວລາ ໑໑.໐໐ ໂມງ ຂອງວັນທີ ໒໔ ມັງກອນ ໒໐໐໙.
- ເວລາປະມານ ໙ ໂມງ ຂອງວັນທີ ໒໔ ມັງກອນ ໒໐໐໙ ມີຊາຍ ໒ ຄົນໄດ້ເອົາພຣະພຸດທະຮູບ ໓ ອົງ ເປັນພຸດທະຮູບເກົ່າແກ່ ພ້ອມກັບວັດຖຸຄ້າຍຫີນຈຳນວນໜຶ່ງ ມາພ້ອມ ບອກວ່າ "ພຣະກັບຫີນນີ້ໄປໃສຕ້ອງໄປນຳກັນ ເພາະວ່າພົບທີ່ດຽວກັນ ໃນທາດເກົ່າແຫ່ງໜຶ່ງທີ່ຊຽງຂວາງ" ມີຄົນເອົາມາໃຫ້ເຂົາ, ເຫດທີ່ເຂົາທັງສອງເອົາມາໄວ້ ນຳຜູ້ຂຽນ ເພາະເຂົາບໍ່ສາມາດປະຕິບັດໄດ້ ຢ້ານຜິດເພີ່ນ.
- ວັນທີ ໒໙ ມັງກອນ ໒໐໐໙ ໄດ້ເອົາວັດຖຸຄ້າຍຫິນສີຂາວ ແລະສີແດງນີ້ລ້າງນ້ຳບໍຣິສຸດ ກາຫົວເສືອ, ໂດຍໃຫ້ຄົນໜຶ່ງອີກລ້າງ ແລະນັບ, ນັບຄັ້ງແຮກ ວັດຖທີ່ເປັນສີຂາວໃສນັ້ນນັບໄກ້ ໘໖ ອັນ, ສ່ວນທີ່ມີແດງປົນຄ້າຍກັບມີດິນປົນມີຈຳນວນ ໒໗໖ ອັນ ລວມເປັນ ໓໖໓ ອັນ.
- ຕົກກາງຄືນມາຝັນວ່າ ເຫັນພຣະອົງນັ້ນຜົນຕົກຮ່ຳປຽກໝົດຕົວ.
- ວັນທີ ໓໑ ມັງກອນ ໒໐໐໙ ຕອນກາງເວັນມີການຫຼໍ່ພຣະພຸດທະຮູບທີ່ວັດທາດຫຼວງເໜືອ ຈຶ່ງຖືໄປພ້ອມ ມີການເປີດກັບອອກໃຫ້ຄົນອື່ນເບິ່ງ ເພື່ອໃຫ້ຄົນອີື່ນ ລົງຄວາມເຫັນວ່າ ແມ່ນຫຍັງກັນແທ້, ຕົກຕອນແລງຂອງວັນນີ້ ໓໑ ມັງກອນ ໒໐໐໙ ຈຶ່ງໃຫ້ພຣະຫຼາຍອົງນັບ ນັບແລ້ວນັບອີກ ຈຶ່ງໄດ້ຈຳນວນວັດຖຸທີ່ເຂົ້າໃຈວ່າພຣະສາຣີຣິກະທາດນີ້ເປັນດັ່ງນີ້
໑. ສີຂາວໃສ ມີຈຳນວນ ໙໘ ອັນ.
໒. ສີຂາວປົນແດງ ໒໕໔ ອັນ.
ລວມວັດຖຸທີ່ຄາດວ່າເປັນພຣະສາຣີຣິກະທາດນີ້ທັງໝົດມີ ໓໕໒ ອັນ
ພຣະສາຣີຣີກະທາດ
http://my.opera.com/neuang/blog/show.dml/2945301
(0%)
WIDGETIZE
How to use Quote function: