Olafs vlogg

Eg innser at eg er elendig til å vlogge. Når det først skjer ting i livet mitt, er eg nemlig så oppteke med dei at eg ikkje har tid til å vlogge om det. Og når eg har tid til å vlogge, er det nedeperiode i livet mitt der absolutt ingenting skjer.

Uansett: Nettserier.no har vist seg å vera ein suksess. Sidene har noko slikt som 250 besøk dagleg, noko eg seier meg fornøgd med med tanke på at det framleis er berre tre veker sidan opninga og at det attpåtil er sumar.

For dei som ikkje har fått det med seg, har eg òg ein teikneserie på trykk her: Pac-Man Begins. Skal prøve å leggja meg på tre oppdateringar i veka -- men det kjem til å bli hardt.

Uansett er det mange andre gode grunnar til å titte på Nettserier.no. Eg nemner i fleng: Arild. Sagaen om Dadaph Serraph. Edda jr.. Einar Gerhardsen. Hakkum. Sidene oser av fantastiske teikneseriar, og har du ikkje tatt turen innom der enno, bør du jaggu gjera det.

Elles har eg endelig fått lest gjennom alt som finst av Sluggy Freelance. Den anbefalast på det sjukaste. Takk til Obdormio for tipset. Men les serien frå starten av. Det er heilt nødvendig for å kunne nyte serien optimalt. Ja, eg veit det eksisterer ei stripe for kvar dag i ni år. Kva så?

Og Loke siterer meg i subnickteksten sin. Utsagnet han siterer er at eg sit her og innser at eg er ninjafan. Ikkje rart at eg sit og innser det vel, når det er så himla mykje oppstyr rundt ein middelmådig piratfilm.

For ei stund sidan skreiv eg:

Eg jobber med eit prosjekt som er heilt hemmelig og kjem til å vera det i halvanna veke til. Eg jobber med eit anna prosjekt som kjem til å bli offentleggjort om femten dagar.

Prosjektet eg sa at skulle bli offentleggjort om femten dagar, var dette.

Når det gjelder det andre hemmelege prosjektet, er det framleis litt hemmelig, men det skal ikkje vera det lenge. Eg kan røpe at det er snakk om ei nettside, og at den opner på fredag. Sannsynlegvis vil det slippe ut ein del meir informasjon om ein dag eller to, akkurat no jobber eg på spreng for å bli ferdig med alt som skal gjerast før den store opninga.

Ein ting eg akkurat har innsett at blir ei bivirkning av denne nye nettsida, er at denne vloggen forsvinner. Eller, den forsvinner ikkje, men eg skal vlogge ein annan stad. Ein stad der eg til og med får veldig mykje å vlogge OM. Og dersom du no trudde at eg røpa at den nye nettsida eg jobber med berre er den nye vloggen min, tar du heilt feil. Sida vil få ein langt viktigare funksjon enn det. Nøyaktig kva den er? Vent og sjå.

Amerikanarane har gjort mykje dumt. Kan til dømes nemne dette med den presidenten dei har vald seg. Men ærleg talt ... dette er nesten verre.

OK, dei lager ein del bra film der borte. Date Movie skal eg prøve å få sett. Men ei nyinnspeling av Ofelas? Det kan ikkje bli noko anna enn ein gedigen kalkun.

Historia «er flyttet til USA og omhandler en Viking-gutt som blir igjen i Vinland etter at hans klan kjemper mot indianere. Han blir oppdratt av stammen og blir etterhvert deres redningsmann i kampen mot vikingene» ... Er det berre meg som føler ekle odørar stige ut av dataskjermen når eg leser slikt? For all del, veit at det landet der elsker nyinnspelingar av alt som er utanlandsk, men ærleg talt. Ofelas er VÅR! Ofelas er samisk, og å flytte handlinga til USA? Pføi!

Geniet som skal regissere denne nyinnspelinga av noregshistorias beste film, Marcus Nispel, «har vært musikkvideoregissør for storheter som Billy Joel, George Michael og Cher. Hans første film kom i 2003 og var en oppdatert versjon av Motorsagmassakren» -- og etter det har han dessutan laga TV-film om Frankenstein. Og skulle ikkje dette vera overbevisande nok har manusforfatter Laeta Kalogridis ein imponerande CV: Han har skrive både «Nochnoy Dozor» og «Alexander». Ikkje imponert enno? «Han har også vært kjent som en som pynter på manus skrevet av andre, deriblant Skrik 3 og flere andre skrekkfilmer.»

Hovudrolla spelast dessutan av Karl Urban, kjent for å ha spelt Caesar i Xena.

Urk, kanskje ikkje smart å førehandsdømme, men eg skulle inderleg ønske at dei berre kunne la vera. Ofelas er tidenes beste norske film, no kan den raskt bli amerikansk kalkun.

Google AdSense inneheld eit par gullkorn av og til, men her må eg innrømme at eg mista samanhengen tidleg på andre linje. Fann denne annonsen under ei PvP-stripe, så tittelen på annonsen er vel faktisk relevant for sida òg, men der stopper det.



... hæ???

Kom over eit Google-banner med denne teksten:

Download Veronica Mars
Watch & Download Veronica Mars Episodes to Watch at Any Time!

Eg er stor fan av Veronica Mars, og ein del av meg er livredd for at sesong to kanskje ikkje kjem til norsk TV, så å laste ned serien frå nettet -- i lovlege former, såklart -- er noko eg kan vera veldig interessert i. Så eg klikka på linken.

Eg kom til ei side der det var ein del knappar med «Click here to download TV shows» og andre ting ein kunne registrere seg for å få laste ned. Elles var det ikkje så mykje på sida, bortsett frå lister over alle dei rare tinga det går an å laste ned, pluss nokre standardlenkjer og ein disclaimer nedst på sida. Vel, eg antok at eg ville få meir informasjon om eg klikka på Download. Så det gjorde eg.

Men nei. Ingen informasjon om kva det ville koste meg å laste ned seriar / abonnere på seriar, ingen informasjon om kva fordelar og ulemper ein fekk i det heile tatt. Berre at ved å registrere meg ville eg få tilgong til TV-seriar og andre ting som eg kunne laste ned til harddisken min og ei innføring i korleis eg gjorde det, og eit felt der eg skulle skrive inn e-postadressa mi. Eg blei skeptisk. Eg vil helst vite kva det er eg får før eg oppgir noko som helst av personleg informasjon. Eg skjønte at det dreidde seg om eit P2P-nettverk, men pengar var til dømes ikkje nemnt med eit ord. Og eg går automatisk ut frå at TV-selskap ikkje gjer seriane sine tilgjengeleg over nett heilt gratis, så ... eg klikka meg tilbake og gjekk ned til standardlenkjene nedst på sida og fann den som heitte «Help and FAQs». Det måtte vel vera eit vanleg spørsmål korleis dette eigentleg fungerte?

Men nei. Det stod svar der på korvidt programmet ville fungere for Mac og Linux, og AOL, og modem, og ... eg blei meir og meir skeptisk. Eg registrerer meg ikkje i nokon form for kundedatabase dersom eg ikkje veit kva eg får.

Så glei blikket mitt nedover til disclaimeren ... og eg blei forbanna.

By using this service, you agree to the following conditions: You may not use this service to obtain or distribute software or any other copyrighted material that you do not have the right to. Any violators must leave this site immediately.

Grunnen til at eg kom til sida i utgangspunktet, var at dei annonserte med at eg kunne laste ned Veronica Mars der. På forsida annonserer dei med svære bokstavar at her får du eit program du kan bruke til å laste ned alle favorittseriane dine. Og med bitte små bokstavar skriver dei at eg berre kan gjera det dersom eg allereie har rettigheitene, noko eg går ut frå tyder at eg allereie eier serien på DVD eller VHS. Og det gjer eg ikkje. Hadde eg gjort det, hadde eg sikkert ikkje vore så ivrig etter å laste ned programmet heller. Eg går ut frå at eg tok feil i at dette kosta pengar, og at nedlastinga er fullstendig gratis, men det hjelper lite om eg ikkje har lov til å bruke det.

Eg blei irritert. Framover kjem eg til å klikke på banner for nemnte nettside kvar einaste gong eg ser det, berre for at dei skal tape nokre kroner. Synest at sånt er tåpeleg, nemlig.

Dersom TV-selskapet vil gi meg serien gratis, tar eg gladelig imot. Dersom TV-selskapet vil selge serien til meg, er eg villig til å betale dersom det ikkje blir for dyrt. Dersom nokon vil gi eller selge serien til meg på vegne av TV-selskapet, er eg like villig. Slik får eg rettigheitane til serien samtidig. Når eg ser reklamen «Her kan du laste ned Veronica Mars», går eg ærleg talt automatisk ut frå at det er ein av desse situasjonane eg vil bli presentert for om eg klikker på denne reklamen. Eg går ut frå at dei som er mest interesserte i å få tak i ein TV-serie, *ikkje* er dei som allereie har serien på DVD.

Vel, vel. Eg må berre krysse fingrane for at TVNorge har vett til å vise sesong 2 ... eventuelt kaste frå meg mine fordommar mot sone 1-DVD og vera førebudd på å kanskje måtte kjøpe ein ny DVD-spelar dersom det skulle bli problemer med å sjå dei.

Men eg hater verkeleg villeiande marknadsføring. Når du reklamerer for at du har noko eg kan få tak i, forventer eg at du kan gi det til meg eller selge det til meg, utan at det er ei forutsetning at eg har det frå før eller på ein annan bisarr måte klarer å få kjøpt rettigheitene til det. Når eg kjøper nye TV-seriar, kjøper eg stort sett dei som eg *ikkje* allereie har. Eg er litt rar sånn.