कवडसा

तर... मंडळी, आज दिवस-भरात स्टोरीचा पहिला भाग मी प्रकाशीत करतोय. (वेळ नक्की नाही!)

खरं तर मला काहीतरी ’सिरियस’ असं लिहायचं होतं.. पण ’सिरियसनेस’ हा माझा पिंड नसल्यानं मला त्यात काही फारसा रस वाटला नाही. शिवाय, मी या ब्लॉगची जी ’परंपरा’ (जी भव्य आणि दिव्य सुद्धा आहे - झेपायला ’भव्य’ आणि वाचायला ’दिव्य’) ठेवलीये - हलक्या फुलक्या लेखांची, ती मोडावीशी वाटली नाही मला... तुम्ही मनोरंजनासाठी वाचणार, आणि मी तुम्हाला मोकळेपणा द्यायचा सोडुन सिरियस करावं असं मला काही योग्य वाटेना. म्हणुन मग मी गंभीर काहीही लिहीण्याचा निर्णय फिरवला आणि हलकं-फुलकं लिहायचं ठरवलंय.

ही स्टोरी आहे एका मुलाची - गुलबावळ्याची. मी हेच नांव त्याला का दिलं ते तुम्हाला शेवटच्या भागात सांगेन. याची स्टोरी-लाईन सुरु होते कॉलेजपासुन, पण आता नोकरीला लागलाय तरी काही त्याला लगाम लागलेला नाहीये. कॉलेज म्हटलं की प्रेम-कथा आल्याच! अगदी बरोब्बर!! या सगळ्या स्टोऱ्या या गुलबावळ्याच्या प्रेम कथा आहेत! अनेक-वचन पाहुन चक्रावलात ना? मी सुद्धा चक्रावलोय. पण खरंच, याच्या २०+ लव-स्टोऱ्या आहेत...!!! आणि हो, सगळ्यात महत्वाचं म्हणजे, या सत्य कथा आहेत नाहीत.

बाकी स्टोरीचे सगळे प्रोटोकॉल मागच्या पोस्टमध्ये दिल्याप्रमाणे आहेतच (निळा रंग वगैरे). आत्ता तेच टाईप करत बसलोय. टाईप करुन झालं की लगेचच प्रकाशीत करतोय स्टोरी नंबर १!

तोवर, थोडी अजुन कळ काढा.. प्लीज!!! (रविवारमुळं थोडा आळसावलोय हो आज.. त्यामुळं लेट होतंय, बाकी काही नाही.)