कवडसा

आज तब्बल १० दिवसांच्या दांडीनंतर आलोय ब्लॉगवर. मध्यंतरी कामांमध्ये एवढा अडकलो होतो ना, की ब्लॉगकडं, वेबसाईटकडं आणि ट्विटरकडं सुद्धा बघायला फारसा वेळ मिळाला नाही मला. त्यातल्या-त्यात मोबाईलवरुन ट्विटरवर काही ट्विट्स टाकल्या - पण त्याही अगदीच थोड्या - बहुतेक दिवसाला एखादीच.

अजुनही म्हणावा तसा मोकळा झालेलो नाहीये, पण ब्लॉगवर लिहायला थोडा वेळ मिळाला आज, म्हणुन म्हटले हजेरी लावुनच जावे.

सध्या काही प्रोग्रॅमिंगचे प्रोजेक्ट्स, स.प. महाविद्यालयात एम.सी.एस.च्या विद्यार्थ्यांना प्रोजेक्ट गाईडन्स, आणि अन्य काही महत्वाची कामं - असं सगळंच एकत्र चालु असल्यानं फुरसत तशी मिळत नाहीये. संध्याकाळी जरा मोकळा असतो मी, पण दिवसभर काम केलेलं असलं की परत लॅपटॉपसमोर बसायला नकोसं वाटतं, आणि मग मी दांडीच मारतो.

बाकीचे सगळे उत्तम मध्यम सोडुन बरे चालु आहे माझे. तुमचं काय चालु आहे?

उद्या गुढीपाडवा आहे. आमच्याकडं त्याचीसुद्धा तयारी चालु आहे.

चला, येतो आता. पुढचं काम हाती घ्यायचं आहे.. ही... भलीमोठ्ठी रांग आहे कामांची माझ्यापुढं..!

ता.क. ’कवडसा’ची वाचक संख्या १ लाखाच्या जवळ पोहोचायला लागली आहे. सध्या ती ९८ हजारच्या घरात आहे. १ एप्रिलपुर्वीच १ लाख वाचक पुर्ण व्हावेत अशी इच्छा आहे, नाहीतर अगदी १ एप्रिललाच पुर्ण व्हायचे आणि मी सांगितल्यावर लोकांना वाटायचं की मी ’एप्रिल फुल’ करतोय.