Skip navigation.

कवडसा

कॉपी-राईटेड!

Posts tagged with "अभिमान"

माझ्या मित्रमंडळींच्या मुलाखती

Wednesday, 14. October 2009, 16:04:56

, , , ...

गोड गोड मॉर्निंग! :coffee:
मी मागच्या आठवड्यात माझ्या काही निवडक आणि नेहेमी संपर्कात असणाऱ्या काही निवडक मित्रमंडळींच्या मुलाखती घेतल्या होत्या. अशी मित्रमंडळी, ज्यांच्याशी जोडलेला असण्याचा मला भरपुर अभिमान आहे, त्यांना आपल्या ब्लॉगवर आणुया, त्यांच्याबद्दल कौतुकानी सांगावं असं मला मनापासुन वाटलं. प्रत्येकाची प्रत्यक्ष भेट घेणं मला शक्य नव्हतं म्हणुन मी त्यांना काही प्रश्न पाठवले होते. सगळ्यांनीच त्याला मनापासुन आणि मोकळेपणानी उत्तरं दिली आहेत. आता या पोस्ट पाठोपाठ मी एक-एक करुन त्यांची उत्तरं इथं टाकतोय. :up: या सगळ्यांनी जी उत्तरं दिली आहेत, ती तशीच्या तशी इथं टाकतोय... नो एडिटींग...


अशी ही अश्विनी!
भरभरुन भरत
सुस्साट सुनिता...
पंकास्टीक पंकज!
प्रयत्नशील प्रगती

:smile:

2 comments

आज आहे १०वा कारगील विजय दिवस!

Sunday, 26. July 2009, 06:27:23

, ,

आज पासुन बरोब्बर १० वर्षांपुर्वी भारत आणि पाकिस्तान मधील कारगील युद्धाची सांगता झाली. भारतानं टायगर हिल परत आपल्या ताब्यात घेतलं आणि पाकिस्तानी सैन्यानं माघार घेतली. या विजयाच्या प्रित्यर्थ आणि या युद्धात देशासाठी लढतांना प्राण गमावलेल्या जवानांच्या स्मृतीत आजचा दिवस आपण ’कारगील विजय दिवस’ म्हणुन साजरा करतो.


सिमारेषेवर, डोळ्यांत तेल घालुन
आपल्या देशाचं संरक्षण करणाऱ्या
या जवानांना माझा
मनापासुन, अभिमानपुर्ण सलाम!!


या दिवसासंदर्भात मी हे काही फोटो गोळा केलेत इंटरनेट वरुन.


कारगील गाव.


पकिस्ताननं पाडलेलं भारतीय हवाई दलाचं विमान.


भारतीय हवाई दलानं ’टायगर हिल’वर हल्ला केला त्याची छायाचित्रं.


... आणि भारताचा झेंडा फडकला!


देशासाठी प्राण पणाला लावलेल्या जवानांच्या आठवणीत उभारलेली स्मृतीशिला.

1 comment

कवडसा आता ’ट्विटर’वर सुद्धा!!

Friday, 3. July 2009, 13:33:09

, , , ...

नमस्कार!

मला माहीत आहे तुम्ही मला जेव्हा-जेव्हा जमेल तेव्हा-तेव्हा, आणि जेव्हा-जेव्हा नविन इथं लिखाण असेल तेव्हा-तेव्हा वाचताय.
तुमच्यापैकी काही जणांचा हा नेहेमीचा रस्ताच झालेला आहे, याची मला खात्रीशीर माहिती आहे. :smile: जेव्हा-जेव्हा हा प्रभास निवांत असतो, तेव्हा तेव्हा तो लगेच लिहितोच इथं काही ना काही. पण आजकाल बऱ्याचवेळा त्याला वेळच मिळेनासा झालाय. काय करणार? कामाला पहिलं प्राधान्य द्यायलाच पाहिजे! नाही का? आजकाल तो बराचसा विसराळु सुद्धा झालाय तसा.. बऱ्याचवेळा या महाशयांना काहीतरी सुचतं इथं लिहायला.. अगदी पॅराग्राफ भरुन नाही, छोटी-छोटी वाक्यं.. पण मग लगेचच लॅपटॉप उघडुन, या साईटवर येऊन लॉग-इन करे पर्यंत राजे विसरलेलेच असतात आपण काय लिहीणार होतो ते!! आजकाल बरेचशे दिवस विना-लिखाणाचे जाताहेत याचं खरं कारण तेच आहे. पण करणार काय? कित्ती प्रयत्न केले या बाप्यानी लक्षात ठेवायचे, पण छे!!!! कोणताही उपाय चालेना. :frown:

पण झालं काय, आषाढी एकादशीच्या या शुभ दिनी, देवा पांडुरंगानं प्रभासला योग्य ती बुद्धी दिली!! (अहो आश्चर्यम!) आणि याच बुद्धीचा अगदी अप्रतिम वापर करुन प्रभासला ही आयडिया सुचली. :smile: त्यानं माझंही खातं उघडलंय ’ट्विटर’वर. आता त्याला जे-जे छोटंसं काही-बाही सुचेल, ते तो चटकन तिथं लिहीत जाणार आहे. आणि मोठं जे काही असेल ते इथं!!! इथं चालणारी प्रभासची टकळी तिथं सुद्धा चालणारच आहे. पण शॉर्ट ऍन्ड स्वीट. :smile:

तुम्ही सुद्धा आहात का हो ट्विटर वर? असलात तर मला नक्की भेटा बरं! काय म्हणतात ते.. हा! Follow Me!
आणि जर, बाय चान्स, तुम्ही नसलात ट्विटरवर, तर माझं आग्रहाचं आमंत्रण आहे, माझा हट्टच आहे तुमच्याजवळ असं समजा!
आणि लगेचच ट्विटरवर आपलं सुद्धा खातं उघडुन मला भेटा. आत्ता पर्यंत तुम्ही मला वाचत आला आहात, एका अर्थानं मला Follow करत आला आहात, आता मला सुद्धा Follow करु द्या तुम्हाला. :happy:

चला तर मग, चांगल्या कामाला उशीर कशाला?? चटकन इथं क्लिका आणि या माझ्या अजुन एका घरी! मी तुमची वाट पाहतोय.

तुमचाच,
कवडसा

No comments

1 2 3 4 5 ... 8 Next »

Showing posts 1 - 3 of 23.

Download Opera, the fastest and most secure browser

Photos

MirachiTea2.jpgMirachiTea1.jpg
December 2009
S M T W T F S
November 2009January 2010
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31

Countdowns

20 days until Christmas
27 days until New year

माझ्याशी जोडलेले ब्लॉग

इतर

प्रभास अजुन कुठे-कुठे??

माझी टिव-टिव