Saturday, 17. October 2009, 01:11:43
आनंद, उत्साह, दिवाळी
लख-लख चंदेरी तेजाची न्यारी दुनिया
झळाळती कोटी ज्योती या...!
तुम्हाला सगळ्यांना दिवाळीच्या तेजस्वी शुभेच्छा! 
आज पासुन खरी दिवाळी सुरु झालीये. बऱ्याच जणांचं अभ्यंग स्नान झालेलं आहे, आणि फटाक्यांची प्रचंड आतषबाजी चालु आहे!
मी सुद्धा पहाटे पावणे-पाच वाजता उठलोय, आणि झटपट आवरुन, मस्तपैकी उटणं वगैरे लावुन झक्कास अभ्यंग स्नान उरकलं आहे.
आणि आता मित्र-मंडळींना दिवाळी शुभेच्छांचे एस.एम.एस. पाठवत बसलोय. थोड्यावेळानी फराळावर आडवा हात मारणार!
Wednesday, 14. October 2009, 16:04:56
प्रभास, मैत्री, मजा, गप्पा
...
गोड गोड मॉर्निंग!
मी मागच्या आठवड्यात माझ्या काही निवडक आणि नेहेमी संपर्कात असणाऱ्या काही निवडक मित्रमंडळींच्या मुलाखती घेतल्या होत्या. अशी मित्रमंडळी, ज्यांच्याशी जोडलेला असण्याचा मला भरपुर अभिमान आहे, त्यांना आपल्या ब्लॉगवर आणुया, त्यांच्याबद्दल कौतुकानी सांगावं असं मला मनापासुन वाटलं. प्रत्येकाची प्रत्यक्ष भेट घेणं मला शक्य नव्हतं म्हणुन मी त्यांना काही प्रश्न पाठवले होते. सगळ्यांनीच त्याला मनापासुन आणि मोकळेपणानी उत्तरं दिली आहेत. आता या पोस्ट पाठोपाठ मी एक-एक करुन त्यांची उत्तरं इथं टाकतोय.
या सगळ्यांनी जी उत्तरं दिली आहेत, ती तशीच्या तशी इथं टाकतोय... नो एडिटींग...
अशी ही अश्विनी!भरभरुन भरतसुस्साट सुनिता...पंकास्टीक पंकज!प्रयत्नशील प्रगती
Tuesday, 21. July 2009, 07:30:30
उत्साह, अनुभव, सुर्यग्रहण
उद्या - दि. २२ जुलै २००९ रोजी खग्रास सुर्यग्रहण होतंय. भारतातुन सुद्धा खग्रास अवस्था दिसणार आहे. मुळात, या सुर्यग्रहणाची सुरुवातच भारतापासुन होतेय यंदा! मी तर खुपच उत्साहीत झालेलो आहे हे ग्रहण पाहण्यासाठी. यंदाचं ग्रहण हे "ग्रस्तोदित ग्रहण" आहे. म्हणजे, सुर्य उगवतांनाच त्याला ग्रहण लागलेलं असणार आहे. जरी पावसाळ्याचे दिवस असले, आणि पाऊसही पडत असला तरी मी मात्र जय्यत तयारी करत आहे. मी काही आशा सोडलेली नाही. यामागचं कारण सुद्धा तसंच आहे ना! यानंतरचं, भारतातुन दिसणारं खग्रास सुर्यग्रहण आहे तब्बल २५ वर्षांनंतर!! आणि ते ही दिसेल ते काश्मीरच्या उत्तर भागातुन. आणि त्याच्याही पुढचं खग्रास सुर्यग्रहण भारतातुन दिसेल ते जवळ जवळ सव्वाशे वर्षांनंतरच. त्यामुळं, खऱ्या अर्थानं, भारतातल्या बहुतेक सगळ्यांचंच हे अखेरचं खग्रास सुर्यग्रहण आहे. त्यामुळं तुम्ही सुद्धा हे ग्रहण बघण्याचा इवलास्सा चान्स सुद्धा चुकवु नका! ढग असले तरी आशा सोडु नका!! न जाणो, आपल्या नशिबानं सुर्य दर्शन देईल सुद्धा!
तुम्हाला माहितीये? या ग्रहणात चंद्राची सावली पृथ्वीवरुन तब्बल १५ हजार १५० कि.मी. अंतर कापणार आहे! आणि सुरुवातीला या सावलीचा वेग दर सेकंदाला ९ कि.मी. एवढा असणार आहे! नंतर जस-जशी ही सावली पुढे सरकेल, तस-तसा हा वेग मात्र कमी होत जाईल.
महाराष्ट्रातल्या काही प्रमुख शहरांमधुन सुर्य उगवण्याच्या वेळा आणि ग्रहणाचे प्रमाण मी इथं खाली देत आहे.
पुणे - स. ६.०९ वा. - ९३%
मुंबई - स. ६.१२ वा. - ९६%
नाशिक - स. ६.०६ वा. - ९८%
नागपुर - स. ५.४३ वा. - ९६%
कोल्हापुर - स. ६.१० वा. - ८७%
धुळे, नंदुरबार इथल्या सुर्योदयाच्या वेळा मला माहीत नाहीयेत, पण तिथुन १००% खग्रास सुर्यग्रहण दिसणार आहे.
ता.क. आत्ताच बाहेर पुन्हा एकदा जोराचा पाऊस सुरु झालाय. काय पडायचा तो आत्ताच पडुन घे म्हणाव.. संध्याकाळ ते उद्या ग्रहण संपेपर्यंत तु आणि तुझे ढग सुट्टी घे रे बाबा. आणि ग्रहण संपलं की लगेच ये मात्र!
Showing posts 1 -
3 of 33.
WIDGETIZE