कवडसा

गोड गोड मॉर्निंग!
मी मागच्या आठवड्यात माझ्या काही निवडक आणि नेहेमी संपर्कात असणाऱ्या काही निवडक मित्रमंडळींच्या मुलाखती घेतल्या होत्या. अशी मित्रमंडळी, ज्यांच्याशी जोडलेला असण्याचा मला भरपुर अभिमान आहे, त्यांना आपल्या ब्लॉगवर आणुया, त्यांच्याबद्दल कौतुकानी सांगावं असं मला मनापासुन वाटलं. प्रत्येकाची प्रत्यक्ष भेट घेणं मला शक्य नव्हतं म्हणुन मी त्यांना काही प्रश्न पाठवले होते. सगळ्यांनीच त्याला मनापासुन आणि मोकळेपणानी उत्तरं दिली आहेत. आता या पोस्ट पाठोपाठ मी एक-एक करुन त्यांची उत्तरं इथं टाकतोय. या सगळ्यांनी जी उत्तरं दिली आहेत, ती तशीच्या तशी इथं टाकतोय... नो एडिटींग...


अशी ही अश्विनी!
भरभरुन भरत
सुस्साट सुनिता...
पंकास्टीक पंकज!
प्रयत्नशील प्रगती

आज शुक्रवार.. आणि १३ तारीख!

हे कॉम्बीनेशन तसं जरा कुप्रसिद्धच आहे जगभरात. आणि त्यासाठी बरीच कारणं दिली जातात.

तुम्हाला माहीत आहे, शुक्रवार-१३ तारिख या जोडीची भिती वाटणं हा एक प्रकारचा फोबिया आहे ते? हो खरंच..
त्याला "पॅरास्काविडेकात्रीआफोबिया" असं म्हणतात. (शब्द सुद्धा तसंलाच भयानक आहे.)

"पॅरास्केवी" म्हणजे शुक्रवार, "डेकात्रीस" म्हणजे तेरा, आणि "फोबिया" म्हणजे भिती, या तीन शब्दांचं एकत्रीकरण आहे तो शब्द.


आजच्याच दिवसाचा एक खास कॉम्प्युटर वायरस सुद्धा आहे, पण आता जगातले सगळे ऍंटी-वायरसेस त्याची नीट काळजी घेतात.

एकंदरीतच या दिवसाला बऱ्याच लोकांनी अगदी वाळीतच टाकलाय.

असो. तुम्ही सांभाळुन रहा, न जाणो काही झालेच आज तर???

आणि हो! अजुन दोन "फ्रायडे द १३" झेलायचे आहेत तुम्हाला!