कवडसा

गोड गोड मॉर्निंग!
मी मागच्या आठवड्यात माझ्या काही निवडक आणि नेहेमी संपर्कात असणाऱ्या काही निवडक मित्रमंडळींच्या मुलाखती घेतल्या होत्या. अशी मित्रमंडळी, ज्यांच्याशी जोडलेला असण्याचा मला भरपुर अभिमान आहे, त्यांना आपल्या ब्लॉगवर आणुया, त्यांच्याबद्दल कौतुकानी सांगावं असं मला मनापासुन वाटलं. प्रत्येकाची प्रत्यक्ष भेट घेणं मला शक्य नव्हतं म्हणुन मी त्यांना काही प्रश्न पाठवले होते. सगळ्यांनीच त्याला मनापासुन आणि मोकळेपणानी उत्तरं दिली आहेत. आता या पोस्ट पाठोपाठ मी एक-एक करुन त्यांची उत्तरं इथं टाकतोय. या सगळ्यांनी जी उत्तरं दिली आहेत, ती तशीच्या तशी इथं टाकतोय... नो एडिटींग...


अशी ही अश्विनी!
भरभरुन भरत
सुस्साट सुनिता...
पंकास्टीक पंकज!
प्रयत्नशील प्रगती

एकदा एका ऑफिसमधले तीनजण - एक कर्मचारी, त्याचा बॉस, आणि बॉसची असिस्टंट - दुपारच्या जेवणासाठी ऑफिसबाहेर जातात. रस्त्यात त्यांना एक दिवा सापडतो - अल्लादिन सारखाच. तो कर्मचारी दिव्याला उचलतो आणि घासतो. तर खरंच त्यातुन एक जिनी बाहेर येतो! जिनी म्हणतो, "जो कोणी मला या दिव्यातुन बाहेर काढतो, त्याच्या तीन इच्छा मी पुर्ण करतो. पण तुम्ही तीघं आहात, तर प्रत्येकानी एक-एक इच्छा सांगा, मी ती पुर्ण करेन.."

"लेडिज फर्स्ट! मी आधी!!", बॉसची असिस्टंट म्हणते.
"ओ.के. तु सांग तुला काय पाहिजे." - इति जिनी.
"मला केरळमधे बॅक-वॉटरमधे बोटिंगला जायचंय."
"ठिक आहे, तसंच होईल.."
आणि पुफ्फ!!!
असिस्टंट गायब!!

"आता मी.. आता मी...", कर्मचारी म्हणतो.
"हो, आता तु सांग तुझी इच्छा."
"मला सुंदर सुंदर मुलींसोबत हवाई बेटांवर समुद्रकिनारी लोळत पडायचंय..."
"ठिक आहे, तसंच होईल.."
आणि परत पुफ्फ!
कर्मचारीपण गायब ना!!

उरला बॉस. जिनी त्याला विचारतो, त्याची इच्छा काय आहे ते.. आणि बॉस सांगतो...
"लंच टाईम संपायच्या आत हे दोघं मला ऑफिसमधे परत पाहिजेत."