कवडसा

मला खरच हि उत्सुकता लागली आहे... मी आधी की सचिन तेंडुलकर??? आम्हा दोघांत कोण आधी १२०००चा आकडा गाठतो त्याची...
हा, आता तुम्ही म्हणाल, मी कुठून उगवलो सचिनच्या पाठोपाठ? पण काय आहे, मुळ मुद्दा असा की माझ्या रन्सबद्दल बोलतच नाहीये!
खरंतर ही तुलना फक्त आकड्यांचीच आहे.

ऑस्ट्रेलियाचा क्रिकेट संघ आलाय भारत दौरयावर. सचिन चेंडुलकर/तेंडुलकरनी या मालिकेतच ब्रायन लाराचा सर्वाधिक रन्सचा रेकॉर्ड मोडावा अशी आपल्या सगळ्यांचीच अपेक्षा आहे, आणि तो मोडेलपण अशी मला खात्री आहे.

माझ्या ब्लॉगला भेट देणाऱ्यांचा आकडापण आता बऱ्यापैकी वेगानी वाढत चाललाय.. आत्ता या क्षणी तो आहे ११५९९! आणि सच्याच्या रन्स आहेत ११८७७!! त्यामुळे मी चेंडुलकरशी अप्रत्यक्ष स्पर्धाच लावली आहे - बघु कोण आधी १२०००चा आकडा गाठतो ते.

यात मला सच्याच्या क्षमतेबद्दल बिलकुल शंका घ्यायची नाहीये, पण हे आपले माझे माझ्याच मनाचे खेळ.. दुसरं काय.
माझी खात्री आहे आणि अपेक्षापण की सचिनच माझ्या आधी १२००० चा आकडा गाठणार!!!!! बघुया या मालिकेमधे काय होते ते.