कवडसा

’कवडसा’च्या प्रवासात १५००० वाचकांचा टप्पा पुर्ण!
खुप खुप आभारी आहे मी तुमचा...
खरंच! मला स्वप्नात सुद्धा वाटलं नव्हतं की माझ्या ब्लॉगला एवढे वाचक मिळतील.. हळुहळु वाचक वाढायला लागले, १७ ऑक्टोबरला १२००० वाचक पुर्ण झाले, पाठोपाठ १० नोव्हेंबरला १३००० आणि आज १३ डिसेंबर २००८ रोजी या ब्लॉगनी या प्रवासात १५००० चा टप्पा गाठला!!

सप्टेंबर २००८ मधे मी परत इथं लिहायला सुरुवात केली. आणि बघता-बघता तुमच्या भेटींचा वेग वाढायला लागला. तुम्ही हा ब्लॉग वाचायला सुरुवात केलीत आणि आपोआप १२०००, १३००० आणि आता १५००० चे टप्पे पार झाले. खुप छान वाटतंय मला. तुमचा लोभ असाच असु द्या.

१४५०० वाचक झाल्यावरच मला १५००० चे वेध लागले होते. पण माझ्या अंदाजानुसार येत्या गुरुवारच्या आसपास १५००० वाचक पुर्ण होणार होते. आणि (नेहेमीप्रमाणे) माझं हे सुद्धा गणित चुकलंच! आजच तो टप्पा गाठला गेला. माझी थोडी धांदल उडालीच त्यामुळे.. पण हवीहवीशी धांदल! येत्या गुरुवारी माझ्या लॅटपॉटचा पहिलाच वाढदिवस. त्यामुळं ह्या दोन्ही गोष्टी तेव्हाच सेलिब्रेट करायचं ठरवलं होतं.. पण तुम्ही वाचकांनी अगदी तुफानी वेग पकडलात आणि आजच मला सुखद धक्का दिलात की!!

असंच भेट देत रहा, ब्लॉग वाचत रहा.. तुमचं ब्लॉगवरचं प्रेम असंच वृद्धींगत होऊ द्या!

- तुमचाच प्रभास