कवडसा

"दुनिया गोल आहे" असं म्हटलं जातं. खरं तर त्यातला मतितार्थ भौगोलिक जास्त, आणि त्या खालोखाल योगा-योगाचा.
कुठंतरी मगाशी हेच वाक्य वाचलं आणि माझ्या डोक्यात हा किडा वळवळायला लागला. (तसा एरवी गाढ झोपलेलाच असतो हा किडा.)
मी विचार केला, ही दुनिया पैशाच्या बाबतीत पण तितकीच गोल आहे का? पैसे सुद्धा असेच फिरुन आपल्याला परत मिळु शकतात का??

म्हणुन मग मी एक छोटासा प्रयोग करायचं ठरवलंय. याचा निकाल कधी लागेल, कोण जाणे... पण निकाल मात्र नक्की लागावा अशी माझी इच्छा आहे.

मी काय केलंय, एका रु. १०० च्या नोटेवर मी माझ्या नावाची आद्याक्षरं लिहीली आहेत, आणि त्याखाली आजची तारिख टाकली आहे.

उद्या मी ही नोट कुठेतरी खर्च करेन. बघुया मला ही परत कधी मिळते का ते...
तुम्हाला जर कधी ही नोट मिळालीच, तर मला नक्की कळवा. म्हणजे कळेल ही नोट कशी फिरतेय ते.
आणि तुम्हाला माहीत आहेच, कोणी तिच्यावर आद्याक्षरं आणि तारीख टाकलीये ते!