safeer RazaMuzaffarabad AJK

.ہم کہ مغلوبِ گماں تھے پہلے
.
پھر وہیں ہیں کہ جہاں تھے پہلے
.
خواہشیں جھریاں بن کرابھریں
.
زخم سینے میں نہاں تھے پہلے

.
اب تو ہر بات پہ رو دیتے ہیں
.
واقفِ سود و زیاں تھے پہلے
.
دل سے جیسے کوئی کانٹا نکلا

اشک آنکھوں سے رواں تھے پہلے.
.اب فقط انجمن آرائی ہیں.

اعتبارِ دل و جاں تھے پہلے.

.دوش پہ سر ہے کہ ہے برف جمی
.
ہم تو شعلوں کی زباں تھے پہلے

.
اب تو ہر تازہ ستم ہے تسلیم
.
حادثے دل پہ گراں تھے پہلے
.
میری ہمزاد ہے تنہائی میری
.
ایسے رشتے بھی کہاں تھے پہلے.