___ur/ c'___

Palak tangin ni caong cih thaik
Sa gah tasik jao sa gah cek ram
Sa phun tagalao saong bingu throh
Sa abaoh klao buei laik di cambuai
Sa tuai atah mai raweng bhum
Sa bhummi daok atah di tangin
Sa tangin salam on raok
Sa paok bingu ndeh di mata
Sa hala that ber pataih
Sa aih taginum ba haluei
Ka laguai lagah parah atah
Sa blah akhan njrem akhan haluh
Sa rituh ribau urang mai
Sa adei saai wek sa tian
Gilac
..

Canau tangin ni caong
Weh tagok bara aia sa naong
Tuh di abaoh traong abaoh aik
Tuh di amraik satel li-u
Mahu nagar saman that
Mahu tanat di akhar
Mahu akhar di oh atah
Mahu oh rambah di ariya Mahu oh parabha di urang
Mahu bilan bhang lac hajan
Mahu Parang Kraong Parik Pajai
satian
Gilac..

Haitai abaoh ni caong cang
Peng dom danaoh bhum-bhaok
Mboh dom praok halei jang klao
Wek dom balau Ong mbong kaok
Takrâ cum mbaok Ong
juai saman klak cum
..
Assalamualaikum
Suuk kajap karo thuk siam
Abih anâk Cam grep nagar
Sa phik sa gok sa dhan phun marai
..

Fling
Tamia
Ndom
Klao
Buei
Cheh
saong gep..

(Ndih ohu wak ma-in, BG, 18/12/2010)