My Opera:: Dahlak Daok di Krâh ::
Saturday, October 17, 2009 7:12:35 PM
"Dahlak daok di krâh...Kayua hatai dahlak daok tawak saong Campa..."
Dahlak ndih tapuei dalam Puk Lam Kin, Angiang. Sap biai dahlak oh yau Cam Phanrang, min jaik wek yau khaol Cam Palei Kur kayua trut tra bhum baok dahlak nan jaik saong Palei khaol Khmer. Sap biai muk kei dahlak jang maluk saong panuec Khmer rei. Pagep: Suar. Dahlak ngan khaol Cam mâng Palei Kur puec Kau khing/kieng suar hâ hasit mâyah kieng “ask / tanya” urang. Min, khaol Cam Phanrang puec lac Kau khing tanyi hâ hasit. Tanyi nan sap Cam, yau nan yae nyu jaik gep saong panuec “tanya” di khaol Malaiy. Suar nan sap Khmer min.
Dahlak ranam biak ugama ngan bangsa dahlak. Urak ni dahlak duis hatai saong drut lo kayua anâk bangsa dahlak oh thau ranam gep. Manâng khaol Islam pak Angiang (ngan Palei Kur dahlak oh thau) oh tedual khaol Balamon ngan Bini nan ha sa but pajaih Cam yau gep, kayua manaok nyu oh krân Po Allah. Khaol Cam Islam jieng sanâng nao lac Islam nan ugama brei ka Cam min, mâyah oh Islam, jieng nyu nan okan anâk Cam. Njep halei yau nan??? Yau nan yae drei daok pacah atah di gep, oh tamâ dapuel saong gep – Cam Islam oh mayit saong Cam kafir. Do nan o gac..Cam Islam wak dalam tapuk pandar Huruf Cam, habienlei mada anâk Cam krei wak Akhar Thrah khaol Islam ni lac “oh thau akhar hagait nan, kau 60 thun paje hadiip mangaok baoh haluk ni, oh mada ndail mboh akhar yau nan..krei ndei..?”. Khaol Cam Palei Kur wek oh kieng mayit saong Cam Balamon, Cam Jat, ngan mada rei mâng Cam Islam di Vietnam. Dahlak jang khaol Cam Islam, mâng Angiang gac..min dahlak oh sanâng yau khaol nyu nan. Njep hagait drei daok pacah gep yau ni? Mada hu kân ka rup éng ngan anâk tacaow harei hadei lei?
Dahlak daok di krâh. Ranam abih anâk Campa..hu khria oh kafir ha Islam, dahlak ranam taong abih. Di Nagar Malaysia ni Po Patao Nagar pataow paran nyu ralo lo ka gruk hit kak gep kak gan, brei anit ranam gep ha nagar, biai o gac ha but.
Mâyah hu harei raya khaol Laow ngan Indo puec ka khaol Malay “Salamat Harei Raya nyâ Abidah”. Mâyah Harei Deepavali ngan Chinese New Year wek mada rei dahlak nao sang gru dahlak kung anâk Laow, min nyu payak aia dalam tin ngan camnei mbâng di Malay, kayua nyu thau dahlak urang Islam. Mayit-mayau buy baiy sambai saong gep, min anâk Cam krei krei ugama oh mayit yau nan hu.
Kayua dahlak daok di krâh, dahlak thau tagok pagé ni Harei Ngap Rija dalam Nagar Campa…bangun 1 bulan Tajuh. Hu dua urang gep dahlak dalam ugama Hindu samaoh samak sambai hatai brei thau ka dahlak 17 October nan harei Katé. Dahlak hader harei Katé min wer pajae harei 17 nan harei Deepavali di Malaysia! Kayua hatai dahlak daok tawak saong Campa...
~Happy Harei Kate~ nyâ anâk Cam Balamon!! =) Biak, dahlak oh takrâ khaol hâ ngap Rija, min dahlak jang oh pamaoh khaol hâ kayua drei anâk Cam yau gep. Paran Campa juai calah di gep nyâ! ^_^
***Vocabulary:
Cam = Malay / English Trut tra = wilayah / territory
Samaoh = tulus / frank
Buy baiy = suka ria / happy
karei di Islam = kafir / disobey to Allah *** (Source: http://bungacampaka-disebalikwajah.blogspot.com )
Ikan di Ramvanikan # Saturday, October 17, 2009 7:02:38 PM
Mayah dom abih urang dalam panran drei hu sanâng yau nan, yae...
Unregistered user # Sunday, October 18, 2009 5:34:24 AM
Ikan di Ramvanikan # Sunday, October 18, 2009 5:45:52 PM